ЯК СОКИНИ МАСТЧОҲ АМАКБАЧААШРО БО БЕЛ ЗАДА, ЗАХМӢ КАРДААСТ

Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 47-солаи сокини ноҳияи Мастчоҳ бо гумони қасдан расонидани зарари вазнин ба саломатӣ дастгир карда шуд.
Гумонбаршаванда 1-уми майи соли 2024, тахминан соати 13:30-дақиқа, ҳангоми дар хонаи истиқоматии писари амакаш марди 35-солаи сокини ноҳияи мазкур қарор доштанаш, бо ӯ ҷангу ҷанҷол намуда, баъдан бо бел 1 маротиба ба сари номбурда задааст.
Дар натиҷа, ҷабрдида ҷароҳати ҷисмонӣ бардошта дар беморхона бистарӣ гардидааст.
Мувофиқи хулосаи ташхиси судӣ-тиббӣ, ҷароҳати бардоштаи ҷабрдида ҳамчун зарари вазнин ба саломатӣ мансуб мебошад.
Оид ба ин ҳодиса нисбати гумонбаршаванда парвандаи ҷиноятӣ бо қисми 1 моддаи 110 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

Видео ЯК СОКИНИ МАСТЧОҲ АМАКБАЧААШРО БО БЕЛ ЗАДА, ЗАХМӢ КАРДААСТ канала Bomdod TV