Quad အဖွဲ့ က ပင်လယ်ရေကြောင်းနဲ့ မြေရှားတွင်းထွက်ဆိုင်ရာ ပူးပေါင်းဆောင်ရွက်မှုအသစ်များကို ကြေညာ

အမေရိကန်၊ အိန္ဒိယ၊ ဩစတြေးလျနှင့် ဂျပန်နိုင်ငံတို့နဲ့ ဖွဲ့စည်းထားတဲ့ Quad အဖွဲ့ နိုင်ငံခြားရေး ဝန်ကြီးတွေဟာ ဒီကနေ့ မေလ ၂၆ ရက်မှာ အိန္ဒိယနိုင်ငံ၊ နယူးဒေလီမြို့၌ ပြုလုပ်တဲ့ ဆွေးနွေးပွဲကနေ ပင်လယ်ရေကြောင်းနှင့် မြေရှားတွင်းထွက်ပစ္စည်းများဆိုင်ရာ ပူးပေါင်းဆောင်ရွက်မှုအသစ်များကို ကြေညာလိုက်ပါတယ်။
ဒါ့အပြင်အင်ဒို- ပစိဖိတ်ဒေသမှာ ဆိပ်ကမ်းအခြေခံအဆောက်အဦနဲ့ စွမ်းအင်ဆိုင်ရာ စီမံကိန်းအသစ်များကိုလည်း ကြေညာခဲ့ပါတယ်။
အစည်းအဝေးအပြီးမှာ အမေရီကန် နိုင်ငံခြားရေး၀န်ကြီး ရူဘီယိုက မဟာမိတ်လေးနိုင်ငံရဲ့ စောင့်ကြည့်ရေးစွမ်းဆောင်ရည်များ အားကောင်းလာစေဖို့ အင်ဒို- ပစိဖိတ် ရေကြောင်းစောင့်ကြည့်ရေး စီမံကိန်းအသစ်တစ်ခုကို ကြေညာခဲ့ပါတယ်။
ပစိဖိတ်ကျွန်းနိုင်ငံများရှိ ဆိပ်ကမ်းအခြေခံအဆောက်အဦများကို အဆင့်မြှင့်တင်ဖို့ Quad အဖွဲ့က ဖီဂျီကျွန်းနိုင်ငံနဲ့ လက်တွဲလုပ်ဆောင်သွားမယ်လို့ ရူဘီယိုက ပြောပါသေးတယ်။ အဲဒီစီမံကိန်းဟာ quad အဖွဲ့ရဲ့ ပထမဆုံး ဒေသတွင်းပူးပေါင်း အခြေခံအဆောက်အအုံစီမံကိန်းလည်း ဖြစ်ပါတယ်။
Quad အဖွဲ့ဝင်လေးနိုင်ငံ မနှစ်က အိန္ဒိယနိုင်ငံမှာ ထိပ်သီးအစည်းအဝေးတစ်ခု ကျင်းပဖို့ မျှော်လင့်ခဲ့ကြပေမယ့်၊ သွင်းကုန်အခွန်များအပေါ် သဘောထားကွဲလွဲမှုများ အပါအဝင် အမေရိကန်နှင့်အိန္ဒိယ ဆက်ဆံရေး တင်းမာမှုများကြောင့် မကျင်းပနိုင်ခဲ့ပါဘူး။
Quad အဖွဲ့ဟာ အင်ဒို- ပစိဖိတ်ဒေသအတွင်း တရုတ်နိုင်ငံက စစ်ရေးနှင့် စီးပွားရေးသြဇာကို ချဲ့ထွင်လာနေချိန် ရေကြောင်းလုံခြုံရေး၊ထောက်ပံ့ရေး ကွင်းဆက်များနဲ့ ဒေသတွင်းမဟာဗျူဟာဆိုင်ရာ ပူးပေါင်းဆောင်ရွက်မှုများအတွက် မဟာဗျူဟာမြောက်မိတ်ဖက်အဖွဲ့အစည်းတစ်ခု ဖြစ်ပါတယ်။

#mnonews #quad #usa #australia #india #japan

MNO NEWS Youtube Channel ကို Subscribe လုပ်ခြင်းဖြင့် အချိန်နှင့်တစ်ပြေးညီ သတင်းများကို ကြည့်ရှုနိုင်ပါသည်။
အောက်ပါ့လင့်များမှလည်း သတင်းများ ကြည့်ရှုနိုင်ပါသည်။

Website- www.mnonews.com

Facebook- https://www.facebook.com/share/1AMGQiqdTK/

Youtube-https://youtube.com/@MNO-NEWS?si=RtZjlpkC0MD

Видео Quad အဖွဲ့ က ပင်လယ်ရေကြောင်းနဲ့ မြေရှားတွင်းထွက်ဆိုင်ရာ ပူးပေါင်းဆောင်ရွက်မှုအသစ်များကို ကြေညာ канала MNO NEWS