Полицияның қолынан келмеген істі қарапайым тұрғындар тындырды

Алматыдағы Алатау ауданы полициясының қызметін біз атқарып жүрміз деген тұрғындар, кеше түнде есірткіге ұқсас ұнтақ сатып алған адамдарды қуып жүріп ұстап алды. Осы ауданға қарасты Томирис шағын ауданының тұрғындары бұған дейін де полицияға шағымданып, белгісіз біреулер үй ауласын қазып, ұнтақ тығып кеткенін айтқанбыз, алайда жергілікті полиция еш шара қолданбады дейді. Томиристиіктердің кеше бір түннің өзінде жиырма шақты адамды ұстап қаматыпты.
Бұл кешегі түнгі кадрлер. Тұрғындар үй арасын тіміскілеп жүрген күдікті адамдарды көріп, қуып барып ұстап алыпты. Айтуларынша олар пышақ алып, сес көрсетіпті. Алайда бұған дейін де полицияға күдіктілерді ұстап берген жұрт одан қаймыға қоймапты.
Осылайша өздерін қорғауға бекінген тұрғындар Алатау аудандық Полицияға арыз да жаздық, шағым да қалдырдық, тіпті міне түні бойы жүріп есірткіге ұқсас ұнтақ толы көлікті де ұстап бердік деп отыр. Олар әлгі ұнтақты алуға келген азаматтар өздерін жын ұрғандай ұстап, көздері шарасына сыймай жүретінін үрейлене айтады.
ҚАЙРАТ, Томирис ауданы тұрғыны:
– Міне мына жігіттің үйіне кірген бес қызы бар үйінде. Құдай сақтаған қайта тиіспеген. Шешесі анасы кіріп қалған қайта. Мына Ерінбетова 5-те тұратын азаматтар наркотик сатып алып келген жерінен ұстадық. Такси айтады Достық плазадан барып бір частный домнан сатып алды дейді.
Тұрғындар белгісіз көліктер жиі-жиі келеді деп, осы үйді торуылдап аңдыпты. Үйдің сырты қарапайым болғанымен, сыртында камера, келген кеткен адамды анық көрсетер дәу прожектор жарығы.
Ауданның тыныштығын күзеткен жұрт бүгін Алатау аудандық Полиция басқармасынан бастап, аудан әкімдігіне дейін шағымданып барды.
САЛТАНАТ ӘЗІРБЕК, Алматы қаласы Полиция Департаментіні баспасөз хатшысы:
– Күні кеше ғана бұл азаматтар тағы да сол Томирис ықшам ауданының тұрғындарымен ұсталып, полицияның қолына табысталған болатын. Олардың жеке басын тінту кезінде есірткі заттарға ұқсас заттар табылды. Болжамымыз бойынша ол мифидрон болуы мүмкін. Ауыр синтетикалық зат.
Ал, осы оқиғаны түсіруге барған журналистің кәсіби қызметіне кедергі келтіріп, күш көрсеткен полицейлерге қатысты Алматы департаменті тексеру жүргізілетінін мәлімдеді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Полицияның қолынан келмеген істі қарапайым тұрғындар тындырды канала Информбюро 31