Сириядан оралған жігіт анасынан кешірім сұрап, ағыл-тегіл жылады

Azattyq Rýhy-на сұхбат беруге келіскен Еділ 22 жасында Қазақстаннан Мысырға оқуға аттанған. Сәләфизим ағымының жетегінде кеткен жігіт екі жылдан кейін Сирия аумағына өтеді.
Ол жерде 5 жыл сордырлар қатарында соғысады. 9 ай Күрдістан абақтысында қамауда отырып шыққан. «Жусан» операциясы аясында былтыр елге оралған атыраулық жігіт 8 жылға Петропавл түрмесіне қамалды.
Жалындаған жастықтың ең албырт кезеңі мен денсаулығын ланкестердің ылаңына сарп еткен жігіт өзегін өртеген өкінішімен бөліседі.
Еділдің ендігі арманы қанаттыға қақтырмай, тұмсықтыға шоқтырмай бағып-қаққан анасын бір көріп, өмірінің астан-кестеңін шығарған қателігі үшін кешірім сұрау. Ол өзін дүниеге әкелген жанның алдында айыбын өтей алмайтынын айтып, ағыл-тегіл жылады.

#AzatRuh #Жусан #Сирия

Видео Сириядан оралған жігіт анасынан кешірім сұрап, ағыл-тегіл жылады канала Азаттық рухы / Азаттык / Azattyq ruhy tv