Xəzər Süleymanlı-Sevgi

#xezersuleymanli #sevgi

Şeir: Ülkər Hüseynli
Səs: Xəzər Süleymanlı
rejissor: Elçin Ağazadə
operator: Tərlan Haqverdiyev
montaj: Elmar Tariyeloğlu
qrim: Həbibə Qazıyeva
texniklər: Elnur Abdullayev, Teymur Qurbanov

rollarda:

Səbinə Məmmədova
Sabirə Abdullayeva
İsamayıl Mirzə Qacar
Ashraf Schelmadye
Şahanə Həsənova
Kəbirə Həsənova
Mahama Süleymanov
Tamam Süleymanova

Sevgi qızmar səhrada bir qurtum sərin sudur,
Sevgi tükənən ömrü yaşatmaq arzusudur.
Sevgi səmimiyyətdir,qayğı,əməkdir,məncə,
Ondan ciddi hismi var?Sevgidə yox əyləncə.

Gerçək sevgi ürəkdən,ruhun bətnindən doğur,
Gerçək aşiq nə gözə,nə də üzə bənd olur.
Bu anlaşan ruhların tarazlıq nöqtəsidir,
İlahi ucalığın vəhdət mərhələsidir.

O hər an dodağında bir adın pıçıltısı,
Yuxusuz gecələrdə qəlbinin çırpıntısı.
Sevgi Allahdan gələn ilahi nur,çağırış,
Boz gündə parlaq Günəş,qızmarda sərin yağış.

Gözlər,əllər,dodaqlar,sadəcə,görüntüdür,
Sevilən zərif ruhdur,qalan hər şey örtüdür.
Xoş təbəssüm,həssaslıq,alında incə naxış,
Sevilir məsum,duyan,fitrətdən doğma baxış.

Sevgi bütün rənglərin qovuşması ağ işıq,
Yaşamağın qayəsi,ömrə bəzək, yaraşıq.
Kainat musiqidir,fərqli səsdə,həvəsdə,
Sevgi varsa,iki qəlb dinər bir kökün üstə.

O qol gücü deyil ki,ürəklərin gücüdür,
Sərt daşı yarıb çıxan çiçəklərin gücüdür.
Zaman,məkan fövqündən doğulub sevgi sözü,
Allahın sevgisidir bütün kainat özü...

Видео Xəzər Süleymanlı-Sevgi канала Xəzər Süleymanlı