Xəzər Süleymanlı-Ömrüm sənsiz olmasın (Nigar Rəfibəyli)

#xezersuleymanli #xəzərsüleymanlı

şeir: Nigar Rəfibəyli
ifa: Xəzər Süleymanlı

Bir son bahar da düşdü
ömrümün təqvimindən,
Nə sənə məhəbbətim,
nə həsrətim azaldı.
Özüm də heç bilmirəm
niyə bir ömür boyu
Gözüm uzaq yollarda -
sənin yolunda qaldı.

Bir qocaman dağ olsan
səni vurub yıxardım.
Ürəyimdən ən incə
teli necə qopardım?

Dünyada gözəl də çox,
gözəl ürəklər də çox.
Şirin-şirin arzular,
incə diləklər də çox.

Bir sən oldun könlümün
yaxın dostu, həmdəmi.
Sən olmazsan tutmazdı
bəlkə əlim qələmi.

Sən olmazsan baharın
yazın ətri olmazdı.
Sən olmazsan bir dünya
sevinc belə çox azdı.

Baharın çiçəkləri
açıb solmasın sənsiz.
Ömrüm sənsiz olmasın,
şerim olmasın sənsiz.

Видео Xəzər Süleymanlı-Ömrüm sənsiz olmasın (Nigar Rəfibəyli) канала Xəzər Süleymanlı