ERMƏNİSTAN LAÇIN DƏHLİZİNİ NİYƏ BAĞLADI? - ARUTUNYANIN QAÇDIĞI DEYİLİR

İnstagramda bizi izlə: https://www.instagram.com/monitor.baku/
Telegram kanalına abunə ol: https://t.me/Monitortvxeber
Facebookda bizi izlə: https://www.facebook.com/Monitor-108773594248965/
Ermənilər Dağlıq Qarabağla Ermənistanı birləşdirən Laçın dəhlizinin bağlanması barədə qərar verib.
Bu barədə erməni mətbuatı məlumat verir. Məlumatı isə Qarabağdakı işğal idarəsi tərəfindən yayıblar.

Görünür ki, keçmiş Dağlıq Qarabağ Muxtar Vilayəti xaricində olan və 1992-ci ildə Ermənistan tərəfindən işğal olunmuş Azərbaycanın Laçın bölgəsinin bir hissəsi - Laçın dəhlizi erməni əhalisinin Qarabağdan Ermənistana kütləvi şəkildə köçmələri səbəbindən bağlanıb.

Bir gün əvvəl separatçıların lideri Araik Arutyunyan məmurların Qarabağdan Ermənistana kütləvi şəkildə köçməsini elan edib.

İkinci müharibənin başlanğıcından Ermənistan Qarabağda işğal altındakı Kəlbəcər bölgəsindən keçən ikinci yolu bağlamışdı. (virtualaz.org)

Qeyd edək ki, Laçın dəhlizinin bağlanması qərarından az əvvəl Dağlıq Qarabağdakı qondarma rejimin "prezident administirasiyasının" Yerevana köçdüyü barədə xəbər yayılıb. “Novosti Armeniya” saytının məlumatına görə, bu barədə açıqlamanı separatçıların başçısı Arayik Arutunyan verib. Bildirilib ki, onlar “fəaliyyətini” Ermənistan Respublikasında “davam etdirəcək”.

Dünən yayılan xəbərdə bildirilmişdi ki, Arayik Arutunyan Qarabağdan qaçan "vəzifəli" şəxslər barədə cinayət işinin başlanması barədə qərar verib. Cəmi bir gün sonra özünün də qaçması barədə açıqlama verib.

Həmçinin A.Arutunyanın sağ olması barədə də ciddi sübut yoxdur. Bir neçə gün əvvəl yayılan xəbərlərdə bildirilirdi ki, Azərbaycan Ordusunun məhv etdiyi hərbi konvoyda A.Arutunyan da olub. Sonradan yayılan video və fotoların köhnə tarixə aid olduğu üzə çıxıb.

Видео ERMƏNİSTAN LAÇIN DƏHLİZİNİ NİYƏ BAĞLADI? - ARUTUNYANIN QAÇDIĞI DEYİLİR канала Monitor Baku TV