"Rövnəq Abdullayevin Ukraynadaki Quldurları" - Azərbaycan Saatı

Azərbaycan Saatı:

"SOCAR rəhbərliyi Azərbaycanın neft pulları ilə Ukraynanı satın alıb!

Azərbaycanın neft pullarını necə gəldi talayıb öz məqsədləri
üçün xərcləyən məmurlardan çox yazılıb.
Bəzən olur ki, bu yazılar belə qəbul olunur ki, guya, azad media
öz halal puluyla iş adamı olmuş azərbaycanlılara qısqanclıqla yanaşır.
Lakin elə deyil.
Faktlar ortadadır və məsələn, adi əmək haqqı ilə dolanmalı olan
şəxslər elə lüks həyat yaşayırlar ki, buna böyük
pulları olan iş adamları da çaşqınlıqla baxırlar.
Məsələn, Azərbaycan Respublikası Dövlət Neft Şirkətinin rəhbərləyinin
idarəçilərin elə həyat tərzi var ki,
bunu görəndə təəcüüblənməyə bilmirsən.
Bu adamlar faktiki olaraq ən müxtəlif ölkələrdə bu pullarla kef edirlər.
Hətta bəzən özlərinə yaxın şəxsləri vəzifələrə təyin edirlər.
Məsələn, Zelenski Ukraynada prezident seçiləndən sonra vaxtilə
Krım Muxtar Respublikasının prokuroru olmuş Gündüz Məmmədov
adlı azərbaycanlının Ukrayna baş prokurorunun müavini təyin
edilməsi bir çox azərbaycanlıları qürurlandırdı.
Çünki həmyerlimiz başqa bir ölkədə baş prokurorun birinci müavini təyin olunmuşdu.

Amma bir az araşdırmadan sonra bu işin əslində
Azərbaycandan istiqamətləndirildiyi ortaya çıxdı.
Çünki Gündüz Məmmədov SOCAR-ın Ukraynadaki şöbəsinin rəhbəri Elçin Məmmədovun qardaşıdır.
Ümumi götürəndə Elçin Məmmədov bir məmurdu.
O, müəyyən miqdarda maaşıyla yaşamalıdır.
Lakin Elçin Məmmədov Ukraynada at oynadan bir oliqarxdı.
Onun hələ bir neçə il öncə Avstriyadan 350 min dollara
Adolf Hitlerə aid eksponat maşını alıb Odessa küçələrində
özünü nasistlərə bənzədərək avtomobil idarə etməsindən yazmışıq.
İndi isə məlum olur ki, ümumiyyətlə, bu qardaşlar Ukrayna mediasının
diqqətindən də yayınmayıblar.
Belə ki, Krım Reallı saytı Gündüz Məmmədov və ümumiyyətlə,
Krım Muxtar Respublikasının hüquq mühafizə orqanlarının rəhbərlərinin
var dövlətindən yazıb.
Məlum olub ki, deklarasiya zamanı Gündüz Məmmədov hətta
Ukraynada evi olmadığını, Odessada olan zaman
qardaşına məxsus evdə yaşadığını qeyd edib.
Amma bunun qarşılığında onun ROLEKS saatı,
Leksus maşını da diqqətdən qaçmayıb.

Gündüz Məmmədova bu şəraiti qardaşı Elçin Məmmədov yaradıb.
Təbii ki, Azərbaycan neftinin pulları ilə.
Özü isə Ukraynada ən son model maşınlarda gəzir.
Ümumiyyətlə, bizə verilən məlumatlarda qeyd olunur ki,
Elçin Məmmədovun böyük bir maşın parkı var.
İndi o bu parka ən yeni Mersedec-Benz AMG GT 5 modelini də əlavə edib.
Bu avtomobillərinin ekonom sinfinin qiyməti 115 min avrodur.
Ən bahalısı isə 995 min avrodur. Yəni, 1 milyon dollar.
Xalq acından ölsə də olar.
Yetər ki, onun sərvətlərini talayanlar lüks həyatlarını davam etdirə bilsinlər.
Amma bir məsələ də var ki, Elçin və Gündüz Məmmədovlar
özləri də zamanında aclıq keçiriblər.
Onların atası əslən Gəncə şəhərindən olan Aydın Məmmədov adlı
kənd təsərüffatı mütəxəssisi olub.
Sovetlər zamanı o, Heydər Əliyevlə dostluq edib.
Dünyasını dəyişən zaman Əliyevlər ailəsinə sifariş göndərib ki,
övladlarımdan muğayat olun.

Ondan sonra Aydın Məmmədovun Odessada dönərxana işlədən övladları
Gündüz və Elçini taparaq bu mərhələlərə yüksəlmələrinə şərait yaradıblar.
Məmmədov qardaşlarının biridə – Adil Məmmədov maliyyə naziri Samir Şərifovun köməkçisidir.
Digər bir qardaşıda İsrafil Məmmədov bir ildir ki, Neft Fondunun icraçı direktorudur.
Yəni, Azərbaycan nefti bir zamanlar Odessada bir dönərxanası
olan bu qardaşları indi milyonçu neftxudaya çevirib."

#socar
#rövnəqabdullayev
#antidiktatura
#azərbaycansaatı

Видео "Rövnəq Abdullayevin Ukraynadaki Quldurları" - Azərbaycan Saatı канала AntiDiktatura