Rəşad Abdullayev kimdir? - BİOQRAFİYA

Son günlər qiyməti 1 milyon funt-sterlinq (1 milyon 200 min avro) olan saatının oğurlanması ilə gündəmə gələn Rəşad Abdullayev Azərbaycan Dövlət Neft Şirkəti SOCAR-ın prezidenti Rövnəq Abdullayevin oğludur.
25 yaşlı Abdullayev digər məmur övladları kimi bahalı kolleksiyalara malikdir. Onun daha çox saat həvəskarı olduğu deyilir.
Əslində ötən ayın sonunda ispan adası İbitsada dincələrkən saatı oğurlanan Rəşad Abdullayevi gündəmə gətirən hadisə yox, məhz saatın qiyməti oldu.
Dövlətə məxsus şirkətin maaşla çalışan prezidetinin gənc oğluna saat almaq üçün bu qədər pulu necə qazanması xarici jurnalistlərin də diqqətini çəkdi. Amma elə jurnalist araşdırmaları ilə məlum olub ki, Rövnəq Abdullayevin rəhbərlik etdiyi tək şirkət SOCAR deyil. Onun və ailə üzvlərinin onlarla şirkətini ortaya çıxarılıb.
Bununla belə, SOCAR prezidenti gördüyü işlər və idarə etdiyi şirkətlərdən çox oğlunun əməlləri ilə gündəmə gəlir.
Məsələn, hələ 2016-cı ildə Rəşad Abdullayev Türkiyə mətbuatının diqqətini çəkdi, məlum oldu ki, o, dostları ilə əyləncədən qayıdarkən İstanbulun Ortaköy bölgəsində yol polisinin reydinə tuş gəlib. Olduqca içkili görünən Abdullayev, polislərin alkolmetrəyə üfürmək təklifini rədd edib və yol polisinə çətinlik törədib. Yol polisindən buraxılmağını tələb edən Abdullayev cibindəki Azərbaycan, Kaliforniya və Qətər sürücülük vəsiqələrini çıxarıb və onun üstünə ataraq "al, hansını istəyirsən, sənin olsun" - deyib. Bununla belə, SOCAR prezidentinin oğlu cəza almaqdan yaxasını qurtara bilməyib. Polis onu 2000 türk lirəsi, o vaxtın məzənnəsi ilə 1079 manat cərimə və 2 illik sürücülük hüququndan məhrum edib.
25 yaşlı məmur oğlunun şirkətlərinin sayı da atasının və digər ailə üzvlərininkindən az deyil.
Araşdırmayla bəlli olub ki, Bakıda Rəşad Abdullayevin təsisçiliyi ilə “AR Construction” MMC qeydiyyatdan keçib.

Kanala abunə ol - https://goo.gl/TcM9Fm

WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv

__
Xəbərdən çox xəbər var. Çəkin göndərin yayımlayaq - Whatsapp : +4915777662277

Видео Rəşad Abdullayev kimdir? - BİOQRAFİYA канала Meydan TV