ОРАЛМАНДЫ ҰРҒАНЫМ БАР!

Бәріңізге Ассалаумағалейкум

Өгей елде тепкі көріп, өз жерінде де сиыса алмай жүрген қандастарымыз жайлы не білеміз?! Назарбаевтың қандастарымыз жайлы айтқан сұмдық пікірін естіппе едіңіз? Оралман деген нақұрыс сөзді қашан доғарамыз?! Зар жылап жүрген бауырларымыздың көз жасын кім көре алады? Бұл сұрақтардың жауабын сізге Білген дұрыс

Тәуелсіздікке 30 жыл болса да, қазақ тіліне мемлекеттік тіл статусын алып бере алмаған болбыр, бойкүйез қазақ билігі үшін атамекенге аңсап жеткен ағайынды кемсіту «модаға» айналғандай. Майда-шүйдені есепке алмағанда, «Атамекенім!» «Қазағым!» деп келген қандастарды қақ бастан тартып жібергендей ғып айтылған сөздің өзі төртеуге жетті. Сондықтан оралман бауырларды «ұры-қары», «бәлеқор», «бүлікшіл», «сауатсыз» деп жүргендерге біздің осынау видеомызды тамашалап шығуды ұсынамыз.

Қазір алыс-жақын шет елде 5 миллионға жуық қазақ тұрады. Соңғы жылдары елге келуді ниет еткен қазақтардың саны күрт төмендеп кетті. Оның себебі неде?

Елдің демографиялық қуатын арттырудағы басты қозғаушы күш – қазақ диаспорасын тарихи Отанына шақыруға яғни ұлтты нығайту процесіне тәуелсіздік алған алғашқы күндерден бастап үлкен мән берілді.

ХХІ ғасыр басында атажұртын аңсап келгендер саны жылына 100 мыңға дейін жетсе, екінші онжылдықта келушілер қатары күрт азайды. Мұның басты себептері қандай?

Оқи отырыңыз: Қазақстандағы халық саны мен ел демографиясы туралы қызықты деректер

Оған бірнеше факторды келтіруге болады. Алғашқысы, ел арасында қазақтарды екі топқа бөліп, бөлек атау. Қазақстанда туылған азаматтар – қазақ, ал тарихи Отанын іздеп келген қазақ – оралман.

Еңбек және халықты әлеуметтік қорғау министрлігінің статистикалық ақпаратына сүйенсек, елге оралуды ниет еткен қазақтар саны жыл өткен сайын азаюда.

Нақтырақ айтар болсақ, 2011 жылы Қазақстанға 47 112 қандасымыз көшкен. Сәйкесінше, 2012 жылы – 39 401 адам, 2013 жылы – 38 655 адам, 2014 жылы – 37 112 адам, 2015 жылы – 35 062 адам. Статистиканы қарап тұрсаңыз жыл сайын азаюшылық белсенді түрде қарқын алып жатыр.

Бұған басты факторлардың бірі Қазақстанға қайта оралған қазақтардың жағдайы жасалмауы яғни жер, үй, құжат мәселелерінің біржақты болмауы, өз бауырларынан тепеш көруі, тұрғылықты жеріндегідей тасын өрге домалатып кете алмауы. Парақор, Қарынбай әкімдерден бұл күні шеттен келген қандастар күдері үзгелі қашан? Кабинеттен кабинетке жүгіртіп, табалдырық тоздыртып итше сарсаңға салғызарын қайтесіз? Бұдан кейін жылу болмаған соң Атамекенге кімнің келгісі келсін?

Қазақты қазақ деп танымау дұрыс па? Ата мекені, қазақ жері болса да, геосаяси үдерістердің кесірінен қазақ диаспорасына айналған қандастарымыз ел сыртындағы қысым жетпегендей, тарихи Отанында да тепкі көріп жүр. толығырақ Видеода...

Видео ОРАЛМАНДЫ ҰРҒАНЫМ БАР! канала BILGEN DURYS