Сенімен ауырып қалдым... | Сымбат Сұлтан | Оқыған: 🎙️Gulsezim Sagadat

Сенімен ауырып қалдым❤
https://vt.tiktok.com/ZSdEqvU5d/?k=1

Махаббат менде,аңсаған үміт,
Жүр олар менен алшақ арылып.
Диагнозы жоқ...мендегі індеттің,
Отырмын бірақ сәл-сәл ауырып!

Қызуым да жоқ,дұрыс бәрі де,
Не болды менің тыныш халіме?
Дертім-ғашықтық,мына бір ғалам,
Ғашық адамға ұрысқаны не?

Жанымды емдейді ғарыш,түндер кей,
Дұшпан-мазақтап,таныс-күлгендей.
Дәрігерлердің-бергені құрсын,
Отырмын мүлде дәрі ішкім келмей!

Сендік сезімнің бәрін ұққанмын,
Келмейді екінші жанығып қалғым.
Сап-сау боп жүріп абайсызда мен,
Сендік әлеммен ауырып қалдым!

Сендік ғаламат әбігер еді,
Қажеті қанша дәрігер емі?
Махаббатпенен ауырғандарға,
Неліктен олар дәрі береді?

Жатқанмен бәрін көзімен көріп,
Жұбатпайды олар сөзімен келіп.
Сен барда жаным дертіме дауа,
Алғаным жақсы өзім емделіп!

Оқыдым іштей батыл-дай дұға,
Сезім-қайғыға батырмайды ма?
Дәріханадан сатып алар ем,
Сезім дәрісі сатылмайды да...

Сынбадым жаным,жасып тек талдым,
Сырқат деп менен қашып кетті әркім.
Мен сенен мәңгі сауықпайтындай,
Келіп жүр саған ғашық боп қалғым!

Сенің қолыңда көрікті етуің,
Жүрмеші маған беріп те тыным.
Махаббатыма ем таба алмасаң,
Мүмкін ғой менің өліп кетуім...!

Автор: Сымбат Сұлтан

Created by InShot:https://inshotapp.page.link/YTShare

Видео Сенімен ауырып қалдым... | Сымбат Сұлтан | Оқыған: 🎙️Gulsezim Sagadat канала Gulsezim Sagadat