Мың бақытты армандайды бір адам... (ӘР АДАМҒА ОЙ САЛАРЛЫҚ ПОЭЗИЯ)

Бір бақытты армандайды мың адам,
Мың бақытты армандайды бір адам.
Бірдің бабын табу оңай болғанмен,
Мыңның бағын бере салмақ кім оған?

Бір бақытқа жетсем! - дейді мың адам,
Мың бақытқа жетсем! - дейді бір адам.
Тұрлауы жоқ тіршілікте осылай,
Түрлі-түрлі ой кешеді тірі адам.

Көптің бағы көрінеді көзге ерен,
Өзіңдікі еместей-ақ өз денең.
Бақытты жан бола тұра, қайтсек те,
Бақыттырақ болсақ дейміз өзгеден.

Бақыт деген,
Бақыт деген сонда не?
Жауабы жоқ, өлшемі оның жоқ және.
Түбімізге жетер ме екен түбі осы,
Бәрімізді зорықтырып зор дәме...

Видео Мың бақытты армандайды бір адам... (ӘР АДАМҒА ОЙ САЛАРЛЫҚ ПОЭЗИЯ) канала Gulsezim Sagadat