Zəhməti, hünəri, geniş ürəyi və cəsarəti ilə çoxlarına nümunə olan qadın. Agro TV təqdim edir .

#AZƏRBAYCAN #AGROTV #TARIM #TOYUQ #AQROTV #AQROXƏBƏR #QUBA #AgroTV #fermer #xəbər #aqroxəbər #elm #tv #xeber #agroelm #aqro #aqroelm #subsidiya
!!!!!!!!!!!!!!!!!!BƏYƏNİB ABUNƏ OLMAĞI UNUTMAYIN !!!!!!!!!!!!!!!!!!!!!!!!
!!!!!!!!!!!!!!!!!!!!!!!!GƏLƏCƏYİMİZ ÜÇÜN BUNU EDİN!!!!!!!!!!!!!!!!!!!!!!!!!!!!!!

Məqsədimiz kənd təsərrüfatının bütün sahələrində innovativ texnologiyaların tətbiqini həyata keçirməkdə televiziyanın imkanlarından maksimum istifadə etmək, kənd təsərrüfatının qlobal inkişaf tendensiyasını vaxtında özəl və dövlət təsərrüfatlarına çatdırmaqdır.

Qaynar xətt: +(994) 50 613 03 93

agrotvazerbaijan@gmail.com

Ülvilik, zəriflik və gözəllik rəmzi olan qadın adı, ana adı həmişə uca tutulub. Azərbaycan qadını bütün dövrlərdə öz istedadı, zəkası, iradəsi və əzmi ilə milli mənəvi dəyərlərimizin qorunub saxlanması və yaşadılmasında müstəsna xidmətlər göstərib. Ağır fiziki qüvvə tələb edən kənd təsərrüfatından söhbət açılarkən ilk olaraq kişilər yada düşsə də, Azərbaycan qadını da hər zaman öz zəhmətkeşliyi ilə seçilib. Respublikamızda fermer təsərrüfatlarında işləyən kişilərlə yanaşı, bu sahədə çalışan fermer xanımlarımız da var.

“İş insanın cövhəridir”, deyən də elə yurdumuzun əliqabarlı zəhmətkeşləri olub. Belə zəhmətkeşlərdən biri də Quba sakini Müşkinaz Məlikovadır. Zəhməti, hünəri, geniş ürəyi və cəsarəti ilə çoxlarına nümunədir. Dəmir iradəli zərif cinsin nümayəndəsi, həm də bir daha sübut edir ki, insan üçün yaxşı dolanışıq yeri, firavan yaşamaqdan ötrü ən sərfəli və ən etibarlı iş kənd təsərrüfatıdır. O, yaşadığı yurd yerinin sadə, mehriban, qonaqpərvər, ən çox da zəhmətsevər qadını kimi tanınır. Müşkinaz xanımla elə zəhmətə qatlaşaraq güzəranını təmin etdiyi təsərrüfat sahəsində görüşdük. Çünki ilin bu vədəsində söhbət etmək üçün əsl zəhmət adamının asudə vaxtını tapmaq, demək olar ki, mümkünsüzdür. O, həyətyanı sahəsində yetişdirdiyi toyuqlara qulluq edirdi. Bu işi necə həvəslə görürdüsə, fikrini gördüyü işə necə diqqətlə salmışdısa, hətta ona tərəf yaxınlaşdığımızı belə hiss etmirdi. Gəlişimizin məqsədini biləndə çox sevindi. Əziyyət olmalıdı ki, əlimizdəkilərin dəyərini bilək. Deməli, işləməlisən ki, yaxşı da yaşayasan. Müsahibim onu da vurğulayır ki, ümumiyyətlə, bu diyarın insanları zəhmətkeşdir. Hər bir qarış sahənin qədri bilinən yurd yerimizdə hamı təsərrüfatdan ikiəlli yapışıb. Kəndli yaxşı dərk edir ki, ən qiymətli sərvət olan torpaq daimi ruzi-bərəkət mənbəyi, iş yeridir, gün-güzəranın yüksəldilməsində ən yaxın dostdur. Təsərrüfatında 5000-ə yaxın tam təbii, əlavə yemlərdən və dərmanlardan istifadə etmədən, ənənəvi dədə-baba qaydası ilə ev quşları bəsləyir və onların baş sayını gələcəkdə artırmağı da planlaşdırır. Bu kənd sakininin ürəkdolusu sözlərindən hiss olunurdu ki, o, çəkdiyi zəhmətin bəhrəsini götürür və buna görə də çox böyük həvəslə ilbəil ev quşlarının sayını artırır. Bu isə gələcəyin bol məhsulundan xəbər verir. Bax beləcə, bir neçə saat ərzində bu zəhmətkeş kənd sakininin torpaqdan ikiəlli yapışmasının, gördüyü işə necə böyük həvəslə can yandırmasının şahidi olduq.
Kənd təsərrüfatı sahəsində əsas işçi qüvvəsi olan qadın fermerlər ödənişsiz işlərin mühüm hissəsini yerinə yetirirlər. İstər bütün dünyada, istərsə də Azərbaycanda qadın fermerlər kənd təsərrüfatı istehsalnının davamlılığnın təmin edilməsində ən əhəmiyyətli rol oynamaqdadırlar.

Bəyənib abunə olmağı unutmayın.

Видео Zəhməti, hünəri, geniş ürəyi və cəsarəti ilə çoxlarına nümunə olan qadın. Agro TV təqdim edir . канала Agro Tv Azərbaycan