Тапа-тал түсте семейлік тұрғынның баспанасының төбесі опырылып құлады

Семейде тапа - тал түсте жергілікті тұрғынның тура мағынасында айтсақ "шаңырағы ортасына түсті". Қайта баспанасының төбесі опырылып құлаған үйде ешкім болмаған. Дәл сол мезетте балаларын түскі асқа шақыруға шыққан анасы кішкентайларын періштесі қақты деп отыр. Апат болған үйдің мән жайын тілшілерден естіп білген әкімдіктегілер әлі күнге оқиға орнына бармапты.
Жақыповтар отбасы күні кеше болған оқиғаны қорқынышпен еске алады. Жанардың айтуынша, оқыс оқиға болардан бір күн бұрын еш уайымсыз дәл осы ас бөлмеде қайтыс болған атасына көңіл айта келгендерге шай берген. Ал төбесі опырылып түскен күні түскі ас дайындап, есік алдында ойнап жүрген балаларын шақыруға шыққан екен. Дәл сол кезде гүрс еткен дауыс естіліп, сыртқы бөлменің терезесі далаға ұшып түскен.
ЖАНАР ЖАҚЫПОВА, Семей қаласының тұрғыны:
– Я думала газ балон атылып кетті деп, тамақ только істеп шықтым ғой үйден. Я говорю қайта Алла сақтады, что балалар на улице ходили. Балалардың періштелері шығар, что сақтады бізді. Я говорю, если бы мы на тот момент остались бы дома нам бы я не знаю. Еще именно сол құлаған жерде стоял обеденный стол. Сол жерге көп салмақ түсті видели же.
Екі баламен далада қалған Жанардың жолдасы жұмыстарымен Ресейге кеткен екен. Апат болған күні төтенше жағдай мен полицей қызметкерлері келіп акт толтырған. Төтеншеліктер үйдің ішіне кірмеуге кеңес беріпті себебі тағы бір бөлменің төбесі құлауы мүмкін деген. Ал осы жағдайды естісе де әкімдіктегілер тек мамырдағы мейрамнан кейін бірақ келеміз деген екен.
ЖАНАР ЖАҚЫПОВА, Семей қаласының тұрғыны:
– Претензии никого ничего не имею, но в акимат я звонила. Они сказали типа пока вам ничем помочь не можем. Типа ваша ситуация, разбирайтесь сами деген сияқты.
Ал тұрғын үй инспекциясының бас маманы жеке меншік иесі өз мүлкін өзі қадағалап, әр тұрғын баспанасын күтіп ұстау керек дейді.
СЕРІК БАЙДІЛДАНОВ, Семей қаласы әкімдігі ТҮКШ және тұрғын үй инспекциясының бас маманы
– Біз енді мынау тұрғын үй қатынастары бөлімінде мына жеке меншік үйді жөндеуге басқа да күрделі или жөндеуден өткізуге бізде ондай құқымыз жоқ. Қаражат та жоқ оған. А мынау жекеменшік үйлер ол енді тұрғындар өздері сол үйді қарап, күтіп нету керек.
Жанардың айтуынша, жолдасының анасы екі мыңыншы жылдан бері пәтер кезегінде тұр. Енді бар үмітіміз сол пәтерде деп отыр.

Динара Ерболқызы, Ғибрат Ерланов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#періштесі_қаққан_балалар #апатты_жағдай #Семей

Видео Тапа-тал түсте семейлік тұрғынның баспанасының төбесі опырылып құлады канала Информбюро 31