Жетімдердің көз жасы

Шығыс Қазақстан облысындағы жетімдер үйінде өскен азаматтар мемлекет қамқорлығынан құр қалдық дейді. Басқасын айтпағанда баспана мәселесі басты проблемаларына айналғанын айтқандар бүгін арнамызға шағымданды. Олар талай жыл кезек күтіп әрең алған үйлерін жекешелендіре алмай қалған.
Мына отырған адамдардың бәрі жетімдер үйінде өскен. Балалар үйіне барған кезде үй кезегіне тұрған. Бұрын кезегіміз жетіп баспаналы болғанда жекешелендіріп алатын мүмкіндігіміз бар еді дейді. Енді мемлекет сол мүмкіндіктен айырды деп ашынды.
ЛАРИСА ШВЕЦ, Өскемен қаласының тұрғыны:
– Мысалы мен күйеуімнің үйінде тұра алмаймын. Пәтерімді жалға бере алмаймын. Басқа үй сатып ала алмаймын. Ондай жағдайда мені үйден шығарып, пәтерді қайтарып алады. Мұның бәрі пәтерді атымызға аудару туралы заң өзгергендіктен болып отыр. Сондықтан тиісті заңды қайта қараса.
Сондай-ақ, жетімдер үйінен кеткен соң тұрақты тіркеуге тұра алмайды. Енді оған жекешелендіру мәселесі тағы қосылыпты. Ал өткен жылы Өскеменде жетімдер үйінде өскен жүз жиырма жеті адамға үй беріліпті. Қала бойынша қазір осы санаттағы мың тоғыз жүз алпыс адам тұрғын үй кезегінде тұр. Ал әкімдік қызметкерлері заң өзгерген жоқ. Тиісті министрлікке хат жаздық. Жауабы келген соң бұл азаматтармен тағы кездесеміз деді.
АЙБЕК САЛБАНОВ, Өскемен қаласы Тұрғын үй қатынастары бөлімінің басшысы:
– Жауапты алған соң міндетті түрде түсіндіреміз. Жеткіземіз. Бұл мәселені біз білеміз. Бұл бағытта жұмыс атқарып жатырмыз. Ол кісілермен кезікенбіз және түсіндіргенбіз.
Сонымен қатар, шағым иелері заң өзгерді деп теріс түсініп жүр дейді. Соңғы жылдары берілген үйлердің барлығы жекешелендіруге жатпайтын "Нұрлы жер" бағдарламасымен салынғандықтан ол баспаналар басқалардың да иелігіне өтпейтіндігін айтты.

Жанболат Санияз
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#баспанасыз_халық #жетімдер #үй_кезегі #жекешелендіру

Видео Жетімдердің көз жасы канала Информбюро 31