НУРЛАН НАСИП АЙРЫМ ИЧИ БУЗУК АРАМ АДАМДАРГА ТЕҢЕЛГИМ КЕЛБЕЙТ Шоу-Бизнес KG

Эстрада ырчысы Нурлан Насип интернетте маданият өкүлдөрүнө ар кандай сын-пикир жазып жаткандарга өз оюн айтып, күйөрмандарын ушундай кырдаалда сабырдуу болууга чакырды.

“Буйруса баары жакшы болот деп ишенем.Кыргыз элибиз аман-эсен ушул илдеттен кутулуп чыгып кетсек экен. Анча мынча интернетте маданият өкүлдөрүнө тийишкен ичи бузук арам адамдарга теңелгим келбейт. Кандай үйдө жашайбыз, кандай машина айдайбыз,чачыбызды кырабызбы, ал ар кимдин өзүнүн иши жана мээнети, эмгеги!

Жаратканыбыз ар бирибизге маңдайга эмнени жазса ошону көрүп кудайга шүгүр кылып жашайлы”,-деп билдирди пикирин ырчы.
Белгилүү алып баруучу Ассоль Молдокматова өлкөдө карантин башталгандан тартып кайрымдуулук ацияларды активдүү өткөрүүдө. Элдин көңүлүн көтөрүү максатында үйүнүн балконуна чыгып, ырчыларды ырдатып, концерт да койду. Кыйын кырдаалда иштеп жаткан чек арачыларга, милиция кызматкерлерине чейин барып ал-акыбалдарын билип кайтууда. Эми апасы экөө күн сайын 200 порциядан ашык тамак жасап, пенсионерлерге таратып жатканын кабарлады.
Ырчы Асел Кадырбекова учурдагы кырдаалга байланыштуу дарыгерлерге ыраазычылыгын билдирип, алардын эмгеги бааланбай жатканын жазып чыкты. Анын айтымында Оштогу дарыгерлерди мажбурлап иштетип, эс алууга чыккандарга акы төлөбөй жатышат. Ырчынын жазганын өзгөртүүсүз беребиз.
“Кыргызстанда закон иштейби деги? Азыр дүйнө жүзүндө мындай кырдаалда кыргыз элиме чыдамкайлыкты тилеп кетет элем. Бүт медицина кызматкерлери өздөрүн тобокелге салып, элге жардам бергени жүрөктү жылытат. Биздин да медицина кызматкелери ушундай кырдаалга колдорунан келген жардамдарын беирип жатышат. Таазим кылабыз барыныздарга!
Ошондой болсо да Ош шаарында медицина кызматкерлерин мажбурлап иштетип жатышат экен. Кетсеңер акы төлөнбөөчү эс алууга, «үй шартыма байланыштуу» – деп арыз жаздырып жатышыптыр! Пенсияда болуп иштеп жаткан кызматкерлерди «зона рискте» деп кетирбестен. Кайра иштебесеңер келип арызыңарды жазып кеткиле, деп коркутуп жатышат экен. Мамлекет башчы бүт медиктерге айлык акылары сакталаарын айтканын кулагыбыз менен уксак да, кээ бир жетекчилер башчынын берген буйругун аткарбай, өз башымча болгону бизде дагы деле болсо коррупция токтой электигин билдирет!” дейт ырчы.

Видео НУРЛАН НАСИП АЙРЫМ ИЧИ БУЗУК АРАМ АДАМДАРГА ТЕҢЕЛГИМ КЕЛБЕЙТ Шоу-Бизнес KG канала KG ШОУ БИЗНЕС