ШҰҒЫЛ! ПЕНСИЯ ЖАСЫ ТУРАЛЫ! ҚАЛАЙ ЕРТЕ ШЫҒУҒА БОЛАДЫ ЗЕЙНЕТ ЖАСЫНА.

Министр зейнетақы аннуитетінің бар екенін еске салды, яғни қажетті соманы жинаған адам зейнетақыны мерзімінен бұрын ала алады
Зейнет жасын төмендету мәселесі қаралып жатқан жоқ. Бірақ зейнетақы аннуитеті арқылы зейнетақыны ерте алуға болады. Бұл туралы еңбек және халықты әлеуметтік қорғау министрі Серік Шәпкенов айтты.
"Министрлікте зейнет жасын төмендету мәселесі қаралып жатқан жоқ. Бұл жерде мына бір мәселені ескеру керек. Біз 1998 жылдан бастап зейнетақыны жинақтау жүйесіне ауысқан болатынбыз. Оған сәйкес, ақша неғұрлым көп жиналса, зейнетақы соғұрлым жоғары болады. Ал зейнет жасын төмендетсек, ол адамдар қажетті зейнетақы көлемін жинап үлгермеуі мүмкін. Сонда оның мөлшері аз болып шығады", - деді Шәпкенов орталық коммуникациялар қызметінде өткен онлайн брифингте.
Осы орайда министр зейнетақы аннуитетінің бар екенін еске салды. Оған сәйкес, қажетті соманы жинаған адам зейнетақыны мерзімінен бұрын ала алады.
"Мәселен, ер адам тиісті соманы жинаса, 55 жаста зейнетақы аннуитетін рәсімдей алады. Осындай мүмкіндік те бар", - деп атап көрсетті Шәпкенов.

Видео ШҰҒЫЛ! ПЕНСИЯ ЖАСЫ ТУРАЛЫ! ҚАЛАЙ ЕРТЕ ШЫҒУҒА БОЛАДЫ ЗЕЙНЕТ ЖАСЫНА. канала Kanat BlogsKZ