Қаражамбас қатты көтерілді!

Бәріңізге Ассалаумағалейкум

16 адамды өлтіріп, 100 ден астам адамды жаралап, мыңдаған адам азапталған Жаңаөзен оқиғасы туралы не білеміз? Жаңаөзеншілерді итке талаттырып, автоматпен ұрғылап, аштан қатырғандар туралы не дейміз? Бұл алапат көтеріліс туралы ақпараттар неге жоқ? Халыққа жаппай оқ атылуға не себеп болды? Бұл туралы сұмдық ақпараттарды сізге Көрген дұрыс!

2011 жылдың 16-17 желтоқсаны – Қазақстан тарихындағы ең қасiреттi һәм қаралы күндер. Жаңаөзеннiң Ынтымақ алаңында халыққа оқ атылды.
Бұл екі жақты қанауға - шетелдіктер мен ішкі буржуалардың тізе батыруына, тәуелділікке қарсы көтерілген жұмысшылар наразылығы еді. «Қаражамбас», «Ерсай», «Өзенмұнайгаз» мұнайшылары 7 ай бойы ереуілге шыққанда «жергілікті билік», «Қазақ Үкіметі» олардың талабын орындаудан бас тартты. Билік, құқық қорғау органдары 7 ай бойы мәселені шешудің орнына, керісінше қоқан-лоққы жасаумен келді. Оларды осы аралықта талай мәрте сотқа сүйреп, әкімшілік жазалау шараларын қолданды. Жазықсыздан жұмысшылар жұмыстан шығарылды. Ереуілшілер де халық та осының бәрінен әбден титықтады. Әрине билік тарапынан болған мұндай белден басу халықты ашындырды.  Ақыры аяғында үлкен жарылысқа алып келді.

Құрметті Көрермендер. Мен бұл видеоны дайындау барысында өте үлкен ізденіс туғыздым. Жаңаөзен туралы жарияланған видеолар жоқтың қасы, мардымды ақпараттарды таба алмай біраз даурықтым. Бір түсінгенім. Бұқаралық ақпарат көздері болсын, басқа болсын. Бұл тарихи жарылыс жасаған көтерілісті ашық насихаттауға азулары бата алмапты, жұрттың көкірегіне рухани дем беретін бұндай қауіпті көтерілістерді талқылау олар үшін бәлкім катастрофаға айналған да шығар. Бірақ, біздің арна халықтың санасына жете бермеген саяси сойқан көтерілістер мен басқа да қызықты ақпараттарды мейлінше зерделеп зерттеп, тәуелсіз көзқараспен насихаттауды жөн деп тапты. Бұл видеоны соңына дейін тамашалыңыздар. Білген, түйгендеріңіз көп болсын.

Оқиға бүгінгі саяси билік, өмірлік маңызы бар мәселенің түйінін шешуде қауқарсыз екенін, жағдайды ушықтырмай реттеу қабілетінің жоқтығын тағы көрсетті. Керісінше, олар байлықтары мен құлқындары жолында өз халықына мылтық кезенуден да тайынбайтынын дәлелдеді. Сөйтіп, қазіргі қазақ билігі өз халқына қарсы қару қолданып, ҚОЛДАРЫ ҚАНҒА БАТТЫ.
ӘЛЕУМЕТТІК ҚАНАУ Маңғыстау өңірі ЖҰМЫСШЫЛАРЫН ақыры осындай бас көтеруіне әкелді. Халықтың ашу-ызасы тағы да 1986 жылғы желтоқсандағыдай жанар таудай атылды. Бұған бірден-бір себепші болған да, итермелеп арандатқан да билік еді.
Жау сырттан шапқан жоқ, халықтың, елдiң тыныштығын қорғауы тиiс полицейлер көздеп тұрып, жұмысшыларды қуалап жүрiп атты. Айдың-күннiң аманында қан төгiлдi. Келесi күнi күштiк құрылымдар Шетпеде бас көтерген жұртты да жусатып салды.
Халықты қанға бөктiрген оқиғадан берi сегіз жыл өттi. Осы сегіз жылда не өзгердi? Билiк бастапқыда кiнә артқан жазықсыз жандардың басым бөлiгi түрмеден босап шықты. Бiрақ үш азамат әлi де нақақтан-нақақ қамауда отыр. Жаңаөзеннен опыр-топыр бiрнеше сот процестерiн өткiзген билiк «Алға» партиясы мен тәуелсiз ақпарат құралдарын экстремистiк деп танып, сот шешiмiмен жапты.
Қанды оқиғадан кейiн билiк пен қоғам бұдан қандай сабақтар алды деген тақырыпта көп ой қозғауға болады. Дегенмен осы жылдардың iшiнде оқиғаның шындығын ашуға бастайтын «Халыққа оқ атуға бұйрық берген кiм?», «Алаңда болған оқиғаны ұйымдастырушы кiмдер?» деген ең басты сауалдарға әлi де жауап берiлген жоқ.

Жаңаөзен оқиғасына қатысып, артынан ұсталып, абақтыда сұмдық азапты бастан өткерген Мақсат Досмағамбетовтың жан түршіктірер әңгімесімен өрбіткім келіп отыр

- Мені 2011 жылғы желтоқсанның 20-сы күні ҰҚК қызметкері үйден алып кетті. Тергеу жасады да, Жаңаөзендегі ішкі істер басқармасынан алып кетуге полицияны шақырды. Ұрып-соғу сол ұсталған күннен кейін-ақ басталды. ІІМ тергеу кезінде ұрып-соғу мен азаптау тәсілдері қолданылды деген мәлімдемелерді жоққа шығарып келеді. Бірақ бұл шылғи өтірік. Ішкі істер басқармасында Нұрлан есімді оперқызметкер тергеу жүргізді. Оны тергеу деуге де келмейді, жай формальды түрде. Бастысы бір бөлмеге кіргізіп саусағыма, тіземе ине тығып, пистолетпен, дубинамен ұрды, құлағымды степлермен тесті. Содан соң «твой груз у нас» деп бір итаршыны шақырды. Ол қасында тағы бір қызметкермен келіп, кабинетте жақсылып бір сағат сабады. Қабырғаға тұрғызып қойып боксшы қабын ұрғылағандай соққылап, автоматпен, дубинамен ұрды. Әлгі итаршы: «Мен саған айттым, неге тұрасыңдар ереуілге, кет дедім сендерге!» деп сабаған сайын айқайлады. Мен оған: «Ұрсаң ұр, бірақ мен қылмыс жасаған жоқпын. Бунтты бастаған біз емес, сіздердің қызметкерлеріңіз» дедім, содан соң есімнен танып қалдым. Сол кезде Жаңаөзен ІІБ ғимаратының бірінші қабатындағы кабинеттердің бәрінде адамдарды ұрып-соқты.

БАҒЖАН БАҚБЕРГЕН

Видео Қаражамбас қатты көтерілді! канала KÓRGEN DURYS