თეორემა - დაუცველი სამართალდამცველები

დღიდან ხელისუფლებაში მოსვლისა ქართული ოცნება ქვეყნის უსაფრთხოების დამცველთა დემორალიზებას ახდენს - ვნახეთ როგორ დააკავეს გენერალური შტაბის უფროსი, როგორ გამოააშკარავს იარაღის სამალავები, როგორ დაიჭირეს კონტრდაზვერვის თანამშრომლები, ვხედავთ რა ხდება პოლიციაში:

ვიცით როგორ შეიქმნა ღარიბაშვილის და მისი სიმამრის უშუალო მონაწილეობით ე. წ. პოლიტპატიმართა დაჯგუფებები, რომლებსაც პოლიციელის ცემა საუკეთესო შემთხვევაში 100 ლარი უჯდებათ.

დავრწმუნდით იმაშიც, რომ პოლიციას დანაშაულის რეგისტრაციას უკრძალავენ და სტატისტიკის გაყალბებას აიძულებენ.

კახაბერ ნაკანი, გიორგი გულბიანი, იასონ მილაძე, ალექსანდრე ციმაკურიძე, ზურაბ ჯოხაძე, დავით ალელიშვილი, სოსო ჩაკვეტაია და ალექსანდრე სანიკიძე - ეს იმ სპეცრაზმელთა ჩამონათვალია, რომლებიც 2006 წელს ჩატარებული სპეცოპერაციისთვის დააპატიმრეს და წინასწარი პატიმრობა მიუსაჯეს. მათი დანაშაული მხოლოდ ისაა, რომ კანონიერ ბრძანებას დაემორჩილნენ.

ლაშა ჯიხვაშვილი - ეს ის პოლიციელია, რომელიც განზრახ მკვლელობის ბრალდებით ზის ციხეში, იმიტომ რომ თავდამსხმელს ესროლა და ის გარდაიცვალა.

ამ ინციდენტის შემდეგ ოთხი პოლიციელი დაჭრეს. ორი იანვარში - ბორჯომში. ხოლო ორი ახლახანს - ვარკეთილის მეტროსთან. ოთხიდან ორი - გიორგი ბერუაშვილი და ბექა მარგიშვილი გარდაიცვალა. პოლიციელებს არ უსვრიათ, სროლა თავდამსხმელმა დაასწრო. ალბათ ასე იქცევი, როდესაც იცი, რომ თავდამსხმელის მიმართულებით სროლისთვის, შეიძლება განზრახ მკვლელობის ბრალდებით გაგასამართლონ.

ივანიშვილის ყოფილი თანაშემწე ღარიბაშვილი ახლა ირწმუნება რომ ბრძანების შესრულებისთვის სპეცრაზმელის გასამართლება დაუშვებელია, ხოლო პოლიციელს გასროლა კრიმინალმა არ უნდა დაასწროს - თუმცა რა ფასი აქვს მის სიტყვას, როდესაც დღეს ერთს ამბობს, გუშინ მეორეს ამბობდა და აკეთებდა.

დღევანდელ თეორემაში ჩვენი ქვეყნის და მისი მოქალქეების შერყეულ უსაფრთხოებაზე, დემორალიზებულ სამართალდამცავ და თავდაცვის სტრუქტურებზე და ამ ყველაფრის მიზეზებზე ვისაუბრებთ.

Видео თეორემა - დაუცველი სამართალდამცველები канала Tabula ტაბულა