თეორემა - დამცირებული პრეზიდენტი, ნაცემი პატრული, ვაშლი და დედაბერი

კახეთის საინფორმაციო ცენტრის ინფორმაციით, გურჯაანში პატრულის თანამშრომლები ცემა დამრღვევმა მძღოლმა, რომელიც შემდეგ ამტკიცებდა პოლიციელები თავად შეეხეთქნენ ერთმანეთს - შინაგან საქმეთა სამინისტრო დამრღვევის მხარესაა და პატრულის შეურაცხყოფის ფაქტს არ ადასტურებს. მუნჯის ენა დედამ იცის - როგორც ჩანს პატრულის თანამშრომლები ერთმანეთს ეხეთქებიან ხოლმე დამრღვევი მძღოლის დანახვაზე.

საინტერესოა, რომ პოლიციელის შეურაცხყოფის ფაქტი აღარავის უკვირს, აღარც სამაგალითოდ დასჯილი და დამცირებული პრეზიდენტი გვაკვირვებს. არც ის “დემოკრატია” გვაოცებს, რომელშიც უმრავლესობის ყველა წევრი მოლაპარაკე თუთიყუშივით იმეორებს, რომ სახელმწიფოს მეთაურის ყოველწლიურ მოხსენების მოსასმენად მთავრობას მოსვლას ვერ აიძულებს, რომ პრეზიდენტი ქვეყნის ერთ-ერთი ლიდერია და მისი მოსმენა საჭირო სულაც არაა.

ქალბატონმა ხიდაშელმა, რომელიც ბიძინას ერთგულებისთვის დაჯილდოვდა და აწ უკვე შერისხულ ვიქტორ დოლიძეს ჩაანაცვლებს ევროინტეგრაციის კომიტეტის თავმჯდომარის პოსტზე, ისიც აგვიხსნა, რომ პარლამენტი მოსაწვევების დამგზავნი უწყება არაა.

ამასობაში სახელმწიფო ინსტიტუტებისადმი ნდობა მოსახლეობაში ეროზიას განიცდის. გასული ერთი წლის მანძილზე მოსახლეობის 21-მა პროცენტმა დაკარგა ნდობა მთავრობის მიმართ, 17 პროცენტითაა შემცირებული პოლიციისადმი პატივისცემა. უნდობლობა გაზრდილია პარლამენტის, პროკურატურის, სასამართლოს, პრეზიდენტისა ინსტიტუტების მიმართ.

სწორედ ნდობა დაკარგულ ინსტიტუტებზე, ამის გამომწვევ მიზეზებზე და შედეგებზე ვსაუბრობთ თეორემას მეორე ნაწილში.

Видео თეორემა - დამცირებული პრეზიდენტი, ნაცემი პატრული, ვაშლი და დედაბერი канала Tabula ტაბულა