Алматыда төтенше жағдайлар мен табиғи апаттардың қаупін төмендету орталығы құрылды

Алматыда төтенше жағдайлардың алдын алу орталығы ашылды. Бұл мекеменің жұмысы табиғи апаттардың алдын алу және техногендік қауіп-қатерді мейлінше азайтуға бағытталған.

Орталықты Қазақстан Қырғыз елімен бірлесіп ашып отыр. Осы жерде табиғи апаттарды болжау, ақпарат алмасу және төтенше жағдайдың алдын алу жұмыстары сараланады. Қазір мұнда 10 адам жұмыс істейді.

Барлығы – төтенше жағдай жөніндегі халықаралық дәрежедегі кәсіби мамандар. Орталықта табиғи және техногенді апаттарды болжау мен қауіп-қатер кезінде әрекет ету барысы талқыланды.

Валерий Петров, Төтенше жағдайдың алдын алу орталығының директоры

-Бұл орталықты ашудағы мақсатымыз – екі елдің төтенше жағдай жөніндегі мекемелер арасында тәжірибе алмасу және табиғи апаттардың алдын алуда бірлесіп әрекет ету. Әзірге Ауғанстан да бақылаушы болуға ниет танытты.

Видео Алматыда төтенше жағдайлар мен табиғи апаттардың қаупін төмендету орталығы құрылды канала novosti khabar2016