Samartha Mala Purna Vairagya Dyave | श्रीसमर्थाष्टक|समर्था मला पूर्ण वैराग्य द्यावें

तुला मागतों रामदासा दयाळा ।
दिनाकारणे देई आतां कृपाळा।
घडो भक्ति तूझी असे त्वां करावे।
समर्था मला पूर्ण वैराग्य द्यावें ॥१॥
नको वासना विषयी होऊ देऊं।
परद्रव्य देखोनिया तृण भावू।
असे दृढ वृत्तीमधे त्वां वसावें।
समर्था मला पूर्ण वैराग्य द्यावें ॥२॥
नको काम हा क्रोध चांडाळ पापी |
नको मोह तैसा मद क्रूररूपी।
मना कल्पनेपासुनी सोडवावें।
समर्था मला पूर्ण वैराग्य द्यावें ॥३॥
सदा सर्वदा शांति वीरक्ति राहे।
हरीकीर्तनी चित्त माझें वसों हैं।
अखंडीत अध्यात्म कर्णी पडावें।
समर्था मला पूर्ण वैराग्य द्यावें ॥४॥
असे मूढ मी काही माते कळेना ।
कधी दास दास्यत्व तूझे घडेना।
शिरीं हस्त ठेवूनि दुःखा हरावें।
समर्था मला पूर्ण वैराग्य द्यावें ॥५॥
सदा संगती सज्जनाची असावी ।
मती दुर्मती कांही कोठे नसावी।
मनी लोचनीं रामरूपा पहावे ।
समर्था मला पूर्ण वैराग्य द्यावें ॥६॥
असे आवडी अंतरी दर्शनाची।
परी भाग्यहीना मला भेटी कैचि।
करी प्रार्थना दीन वाणी स्वभावे ।
समर्था मला पूर्ण वैराग्य द्यावें ॥७॥
खरा दासबोधी असे भाव माझा ।
मनामाजि हा लागला ध्यास तूझा ।
म्हणे उद्धवसुत हाती धरावें।
समर्था मला पूर्ण वैराग्य द्यावें ॥८॥

Видео Samartha Mala Purna Vairagya Dyave | श्रीसमर्थाष्टक|समर्था मला पूर्ण वैराग्य द्यावें канала Vaibhav Ramdasi