Ognissanti 2014 - 1 - Ingresso, 12 Kyrie e Sallenda

Inno
Deo fruentes fulgidae,
salvete, cives patriae,
regni micantis aulici,
portus beantis incolae.

Solis nitore perpetis
regina gaudet siderum;
urbis volantes muniunt
caelestis arcem milites.

Vallatur urbs iaspide:
fundant lapilli moenia,
illic prophetis assident
legis duces apostoli.

Hic candidatus martyrum
trophea fert exercitus,
qui dimicantes plurimo
vicere mortem sanguine.

Hic infulati praesules,
et literarum lumina;
illic sacerdotes sacra
agni fruuntur victima.

Ieiunia eremus convenis
apponit aeternas dapes;
hic virgines castissima
sponso maritant lilia.

Et vos avete, caelites,
quos nostra tellus aetheri
donavit, astris civium
beata mittens agmina.

O turba magna, respice
pulchrae Sionis exules;
fac nos serentes lacrymis
referre messem gaudii.

Gloria tibi, Domine,
gloria Unigenito,
una cum sancto Spiritu,
in sempiterna saecula.
Amen

Sallenda ai 12 Kyrie:

Celebremus diem sanctorum
quasi agni incontaminati et immaculati
Christi domini nostri

Видео Ognissanti 2014 - 1 - Ingresso, 12 Kyrie e Sallenda канала prigionierodizenda