Pasqua 2010 Duomo - Vespri , Lucernario e Inno .avi

Lucernarium:

Alleluia.
Dominus illuminatio mea et salus mea:
quem timebo?
Alleluia.

Inno

Hic est dies verus Dei
sancto serenus lumine,
quo diluit sanguis sacer
probrosa mundi crimina.

Fidem refundens perditis
caecosque visu illuminans:
quem non gravi solvit metu
latronis absolutio?

Qui praemium mutans Cruce
Iesum brevi quaesit fide,
iustosque paevio gradu
praevenit in regnum Dei.

Opus stupent et angeli,
poenam videntes corporis
Christoque adhaerentem reum
vitam beatam carpere.

Mysterium mirabile,
ut abluat mundi luem,
peccata tollat omnium
carnis vitia mundans caro.

Quid hoc potest sublimius,
ut culpa quaerat gratiam
metumque solvat caritas
reddatque mors vitam novam?

Hamun sibi mors devoret
suisque se nodis liget,
moriatur vita omnium
resurgat vita omnium.

Cum mors per omnes transeat,
omnes resurgant mortui:
consumpta mors ictu suo
perisse se sola gemat.

Gloria tibi, Domine,
qui surrexisti a mortuis,
cum Patre et almo Spiritu
in sempiterna saecula.

Amen

Видео Pasqua 2010 Duomo - Vespri , Lucernario e Inno .avi канала prigionierodizenda