Май айы махабатым (remix) - Сыймык Бейшекеев

#сыймыкбейшекеев #майайымахабатым #жанырыр2022 #ремикс #кыргызчаырлар #хитырлар #элмирбексыймык

Сөзү, Элмирбек Иманалиев
Обону, Сыймык Бейшекеев

Көк шибер жашыл көктөм,
Көнөктөп жамгыр төккөн.
Жадырап май айындай,
Жашарып көңүл өскөн.
Сезимдин айы ушул,
Сен күткөн, мен да күткөн.

Кайырма:
Май айы-махабатым,
Маңдайга жазган бактым.
Өзүңдөн таткым келет,
Өмүрдүн ыракатын,
Май айы-менин бактым.

Сулуусу он эки айдын,
Сурайлы сырын майдын.
Ачылып гүлдөй өмүр,
Арылат капа-кайгың.
Жашайлы ырга айлантып,
Жаштыктын жашыл айылын.

Кайырма:
Май айы-махабатым,
Маңдайга жазган бактым.
Өзүңдөн өмүр улап,
Өзүңдөн сүйүү таптым,
Май айы -махабатым.

Жаштыкты коштоп турган,
Жазга мен окшоп турам.
Жамалы-жашың ыраң,
Жакшы ойду козгоп турган.
Мезгилдин перзентине,
Мен сени окшоштурам.

Кайырма:
Май айы-махабатым,
Маңдайга жазган бактым.
Сүрөп бар сан жылдарга,
Сүйүүсүн ар бир жаштын.

Видео Май айы махабатым (remix) - Сыймык Бейшекеев канала Сыймык Бейшекеев