Сен мени сагынбайсыңбы? - Сыймык Бейшекеев жаңы ыр 2022

#сыймыкбейшекеев #сенименисагынбайсынбы #жаныыр2022 #ыртекст #кыргызчаырлар

Сөзү Рысбай Исаков
Обону Сыймык Бейшекеев

Сел болуп агылбайсыңбы?
Сезимге багынбайсыңбы?
Сенектик ээлеп алганбы
Сен мени сагынбайсыңбы?

От болуп жалындайсыңбы
Оргуштап агылбайсыңбы
Опкоолжуп жүрөк туйлатып
Ойлонуп сагынбайсыңбы

Карекке кабылбайсыңбы
Кайра эми табылбайсыңбы
Катарлаш баскан жаштыктын
Кайрыгын сагынбайсыңбы

Күнүмдү экчегенсиңби
Күүгүмдү беттегенсиңби
Күргүштөп өткөн жаштыктын
Күрдөөлүн эстебейсиңби

Турмуштан өксөгөнсүңбү
Тумчугуп бөксөрөсүңбү
Түйшүксүз сүйүү күндөрүн
Түшүңдө көп көрөсүңбү

Тагдырды жектегенсиңби
Таалайды чектегенсиңби
Ташкындап турган жаштыкты
Тамшанып эстебейсиңби

Үшкүрүп ээх дебейсиңби
Үйрүлүп кетпе дейсиңби
Үлбүрөк ошол кездерге
Үндөсөм кеч дебейсиңби?

Видео Сен мени сагынбайсыңбы? - Сыймык Бейшекеев жаңы ыр 2022 канала Сыймык Бейшекеев