ԻՆՉՈւ՞ ՊՈւՏԻՆԸ ԳՆԱՑ ՆՄԱՆ ՔԱՅԼԻ․ Ինչու՞ է կատաղել Էրդողանը․ Ո՞րն էր Հայաստանի սխալը

Թուրքիայի նախագահ Էրդողանը Ռուսաստանի նախագահ Պուտինի հետ հեռախոսազրույցում քննարկել է Ղարաբաղում զինադադարի վերահսկման համատեղ կենտրոնի ստեղծման հարցը եւ ասել, որ պետք է արագացնել այդ աշխատանքը։ Էրդողանը նշել է, որ Ադրբեջանի համար իր տարածքի լիակատար վերադարձը զգայուն հարց է եւ «համաձայնագրի իրականացման գործընթացում հայկական կողմը չպետք է խուսափի իր պարտավորություններից»։ Էրդողանն ասել է նաեւ, թե հնարավոր չէ հասկանալ, թե ինչու են Մինսկի խմբի մյուս համանախագահները քննադատում խաղաղ ջանքերը։
Մինսկի խմբի մյուս համանախագահները ԱՄՆ-ն ու Ֆրանսիան են, որոնք Ռուսաստանից պարզաբանումներ են պահանջել եռակողմ համաձայնության, դրա հետեւանքների ու Թուրքիայի դերի մասին։ Բացի այդ, այդ երկրների խորհրդարաններ մուտք են արվել Ղարաբաղի ճանաչման բանաձեւեր։
«Ֆրանսիայի դիրքորոշումն, ընդհանուր առմամբ, ես հարգում եմ, բայց դա այլընտրանք չէ այն ամենին, ինչ իրականացվում է, այն է՝ եռակողմ համաձայնագիրը, որը նախատեսում է շրջանների հանձնում Ադրբեջանին եւ այնտեղ նշված այլ կետերը», հայտարարել է Լազարեւսկի կոմիտեի նախագահ, Ռուսաստանի Պետդումայի պատգամավոր Կոնստանտին Զատուլինը:
Երեւանին պարտադրված եռակողմ համաձայնագիրը միջազգայնորեն լեգիտիմ չէ, առավել եւս Մինսկի խմբի մանդատի եւ կարգավիճակի պարտադիր ուժի պայմաններում։

#lurerhayastanic #arcax #putinerdoxan

Видео ԻՆՉՈւ՞ ՊՈւՏԻՆԸ ԳՆԱՑ ՆՄԱՆ ՔԱՅԼԻ․ Ինչու՞ է կատաղել Էրդողանը․ Ո՞րն էր Հայաստանի սխալը канала Banber News