ՍՈՍԿԱԼԻ ԹՎԵՐ․ Որքա՞ն տարածք կորցրինք․ Իսկանդերի խոցած ու չխոցած թիրախները

Հայաստանում տարածված է եղել այն կարծիքը, որ Լեռնային Ղարաբաղի տարածքը 12 հազար քառակուսի կիլոմետր է եղել: Իրականում Հայաստանի կողմից վերահսկվող տարածքը կազմում էր 11 400 քառակուսի կիլոմետր: 2016-ին մենք կորցրել ենք 8 քառակուսի կիլոմետր տարածք, այդ թվում՝ մոտ 6 քառակուսի կիլոմետր հյուսիսում ՝ Թալիշ գյուղի ուղղությամբ և 2 քառակուսի կիլոմետր հարավում` Վարազդաթումբի բարձունքը՝ Լելե Թեփե:
2020 թվականի մարտական գործողությունների ընթացքում, Ադրբեջանը օկուպացրել է Արցախի տարածքի զգալի մասը՝ 3716 քառակուսի կիլոմետր։ Հարավում՝ 3585 քառակուսի կիլոմետր, հյուսիսում ՝ 131։
Այսպիսով, մարտական գործողությունների ընթացքում բռնազավթվել է Արցախի վերահսկողության տակ գտնվող տարածքի մոտ 32.5% – ը:
Ըստ ամենայնի, ղարաբաղյան հակամարտության գոտում ռուս խաղաղապահների վերահսկողության տակ գտնվող տարածքը, որը կմնա մեզ, կներառի Մարտակերտի շրջանի մեծ մասը, բացառությամբ 1992, 2016 և 2020 թվականներին գրավված տարածքների, Քելբաջարի շրջանի մի փոքր հատված՝ Մարտակերտի շրջանի անմիջական հարևանությամբ, որն արևմուտքից կսահմանափակվի Դադիվանքով, նաև Ասկերանի շրջանը, բացառությամբ հարավում ադրբեջանական զորքերի գրաված տարածքի, որը ներառում է Սղնախ, Ավետարանոց, Մոշխմատ, Զարդանաշեն և Շոշ գյուղերը: Մեզ են մնում նաև Ստեփանակերտ քաղաքը, Շուշիի շրջանի մի մասը, բացառությամբ Շուշի քաղաքի, ինչպես նաև Լաչինի միջանցքից հարավ գտնվող տարածքը և Մարտունու շրջանի մի մասը:

#lurerhayastanic #arcax #verjinlurer #shushistepanakert

Видео ՍՈՍԿԱԼԻ ԹՎԵՐ․ Որքա՞ն տարածք կորցրինք․ Իսկանդերի խոցած ու չխոցած թիրախները канала Banber News