Əsas xəbərlər 17.10.2020 (Təcili Xəbər)

Dağlıq Qarabağ ərazisinə gələn muzdluların bir qisminin döyüşə girməkdən imtina etməsi məlum olub.
Azərbaycan Müdafiə Nazirliyinin Mətbuat xidmətindən “Yeni Sabah”a bildirilib ki, bunun qarşısını almaq məqsədilə Ermənistan rəhbərliyi Gorus və Turşsu yaşayış məntəqələrinin avtomobil yollarında hərbi polisin komendant postlarını qurub.
Həmçinin bildirilib ki, 10-cu alayın müdafiə zolağına könüllüləri daşıyan avtomobil texnikasının vurulması nəticəsində ölən və yaralanan var. Geri çəkilən düşmən, xeyli sayda avtomobil və zirehli texnikanı mövqedə buraxaraq qaçıb.
Rusiya və Türkiyə Suriya münaqişəsində olduğu kimi, Ermənistan-Azərbaycan Dağlıq Qarabağ münaqişəsində də ortaq hərəkət etməlidir.

“Yeni Sabah” xəbər verir ki, bu sözləri Axar.az-a sabiq Xarici İşlər naziri, politoloq Tofiq Zülfüqarov Türkiyə Prezidenti Rəcəb Tayyib Ərdoğan və rusiyalı həmkarı Vladimir Putin arasında telefon danışığı haqda danışarkən deyib.
Onun sözlərinə görə, rəsmi Moskva bundan sonra münaqişənin nizamlanmasında daha fərqli formatlara üstünlük verəcək:
“Rusiya faktiki olaraq Türkiyənin münaqişədəki yerini və rolunu anlayır. Bu mənada bundan sonra ATƏT-in Minsk Qrupunun fəaliyyəti elə də məqbul sayılmayacaq. Amma istisna etmirəm ki, indi Rusiya hansısa seçim qarşısındadır. Çünki bəllidir ki, Rusiya və Türkiyə digər regionlarda olduğu kimi, özünəməxsus bir format təşkil edə bilərlər.
“Müharibə başlayan günü Füzulidən geri çəkilib, Məngələnataya köçən erməni döyüşçüləri orda əvvəlki (1992-ci ildəki) mövqelərini bərpa edib, möhkəmləndiriblər. Oranı tanıyırlar bilirlər ki, həmin ərazidə erməniləri təslim etməyin ən yaxşı yolu onları mühasirədə saxlamaqdır. Ona görə də xilaskar ordumuzun taktikası ilə Məngələnatanın arxa – Qırmızı bazar tərəfində keçib, Füzuli və Məngələnata yüksəkliyini birlikdə mühasirəyə salmaqdır”.

Yenisabah.az xəbər verir ki, bunu Azərbaycan Demokratiya və Rifah Hərəkatının sədri Qubad İbadoğlu deyib.
Mövcud müharibə səbəbi ilə bağlı ölkədə internetin verilməsində, sosial şəbəkələrə girişdə məhdudiyyətlər olduğu məlumdur. Amma VPN tətbiqindən istifadə etməklə sosial şəbəkələrdən istifadə etmək mümkündür. Ermənilərin təxribat xarakterli paylaşımlarının azərbaycan xalqında ruh düşkünlüyü yaratmaması üçün nə etmək olar? VPN-dən istifadə məhdudlaşdırıla bilərmi?
Yenisabah.az xəbər verir ki, bu barədə Rabitə və Yüksək Texnologiyalar Nazirliyinin Mətbuat Xidmətindən verilən açıqlama deyilib:
“VPN- lə bağlı tərəfimizdən marifləndirici məzmunlu mətnlər kifayət qədər paylaşılıb. Bu mövzuda insanlar özləri də məsuliyyətli olmalıdırlar. Bildiyimiz kimi, ölkəmizdə hərbi vəziyyətdir və bu vəziyyətdə hər bir şəxs vətəndaş borcunu yerinə yetirməlidir. 
“Azad edilmiş torpaqları hesablamaq o qədər də çətin məsələ deyil. Halbuki hər gün bu dəyişir. Dünən mən yeni 6 kəndin işğaldan azad edilməsi xəbərini Azərbaycan xalqına çatdırdım. Ondan əvvəlki gün də daha çox sayda kəndlər işğaldan azad edildi”.
Yenisabah.az xəbər verir ki, bunu Azərbaycan Prezidenti İlham Əliyev oktyabrın 16-da Türkiyənin “A Haber” televiziya kanalına müsahibəsində deyib.
Dövlət başçısı bildirib ki, bu mərhələ davam edir: “Demək olar ki, hər gün biz yeni əraziləri, strateji yüksəklikləri işğaldan azad edirik. Ona görə bu rəqəmlər dəyişir. Ancaq bu gün rəsmi qaydada verilən məlumat deməyə əsas verir ki, hansı bölgələr azad edildi. Bu xəritədə misal üçün Hadrut yoxdur, artıq Hadrut bizdədir. Füzulinin ətrafında olan kəndlərin mütləq əksəriyyəti bizdədir. Və artıq Füzuli bizim gözümüzün qabağındadır. Cənub istiqamətində də irəliləmişik. Şimalda Murovdağ mövqeləri bizdədir. Madagiz bizdədir. 
"Silahlı Qüvvələrin Ali Baş Komandanı, Prezident İlham Əliyevin başçılığı altında zəfər yürüşümüz davam edir və uğurlarımız var".
Yenisabah.az xəbər verir ki, bunu polkovnik Elşad Əbilov deyib.
O bildirib ki, uğurlarımız davam etməkdədir və son nəticədə Azərbaycan Ordusu işğalda olan bütün torpaqlarımızı azad edəcək:
"Ermənistan Silahlı Qüvvələri humanitar atəşkəsi pozmaqda davam edir, şəhər və kəndlərimiz dəfələrlə atəşə məruz qalıb, mülkü vətəndaşlarımız həlak olub. Azərbaycan Ordusu humanitar atəşkəs qaydalarına ciddi riayət edir, Ermənistanın heç bir şəhər və kəndinə, mülki əhaslisinə atəş açmır. Azərbaycan sentyabrın 27-də Ermənistan təxribatına cavab olaraq əks-hücum əməliyyatlarına başlayıb. 
Dağlıq Qarabağda vəziyyətin tənzimlənməsi prosesinə Kollektiv Təhlükəsizlik Müqaviləsi Təşkilatı (KTMT) sülhməramlılarının qoşulması məsələsi gündəmdə deyil.
Yenisabah.az xəbər verir ki, bunu KTMT-nin baş katibi Stanislav Zas deyib.
O bəyan edib ki, bu məsələnin həllində bilvasitə Ermənistanla Azərbaycan və ATƏT-in Minsk qrupunun ölkələri iştirak edir.

Видео Əsas xəbərlər 17.10.2020 (Təcili Xəbər) канала Musa Media