Əsas xəbərlər 16.10.2020 (Vacib Xəbər!)

"Azərbaycan və Rusiya çoxəsrlik dostluq, əməkdaşlıq, qarşılıqlı anlaşma telləri ilə bağlıdır. Əminəm ki, heç bir qüvvə buna təsir göstərə bilməz".
Yenisabah.az xəbər verir ki, bunu Prezident İlham Əliyev oktyabrın 15-də Rusiyanın Ria Novosti agentliyi üçün “Rossiya Seqodnya Beynəlxalq İnformasiya Agentliyi” media qrupunun baş direktoru Dmitri Kiselyova müsahibəsində deyib.
Dövlət başçısı bildirib:
"Mən tez-tez deyirəm ki, Paşinyan Sorosun məhsuludur. Düşünürəm ki, hamı mənimlə razılaşar. Lakin Soros artıq şəxsiyyət deyil. Bu, anlayışdır və mən bunu əsla istisna etmirəm ki, o vaxt böyük ölkəni dağıtmaq üçün bu cür vasitələr işə salınmışdı. Onu daxildən partlatmaq, nifaq toxumu səpmək, xalqları bir-birinə qarşı qızışdırmaq və dövlətləri parçalamaq - yeri gəlmişkən, belə də oldu. Buna görə də, sadəcə, bu tarixi faktları Rusiya ictimaiyyətinin diqqətinə çatdırmaq və demək istərdim ki, Azərbaycan və Rusiya çoxəsrlik dostluq, əməkdaşlıq, qarşılıqlı anlaşma telləri ilə bağlıdır. Əminəm ki, heç bir qüvvə buna təsir göstərə bilməz.
“Azərbaycanlı qardaşlarımıza hər cür dəstək verəcəyik”.
Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan deyib.
Türkiyə lideri münaqişənin həll prosesini gecikdirdiyi üçün ATƏT-in Minsk Qrupunu sərt şəkildə tənqid edib:
“Azərbaycanı hədəf almaq peşəkarlıq ola bilməz. Azərbaycandakı qardaşlarımız torpaqlarını işğaldan azad etməyə çalışarkən, ana müxalifətin (Türkiyə müxalifəti nəzərdə tutulur-red.) bu haqda ciddi danışdığını eşitmisinizmi? Azərbaycan indi dialoq tələbinə mənfi cavab verir. Torpağımda 100 minə yaxın erməni əsilli insan var. Onlara qarşı mənfi münasibət göstərmədik.
Azərbaycanlı qardaşlarımızın torpaqlarını işğal etdilər və qardaşlarımı qovdular. İndi hansı mübarizə aparılır? Biz torpağımızı istəyirik. Minsk üçlüyü hələ də yayındırma taktikası ilə bunun üzərindən keçməklə məşğuldur. İşğal olunmuş torpaqları geri qaytarın. Öz torpaqlarında nə edirlər-etsinlər. Diqqəti yayındırmaq yox, bu işğal olunmuş torpaqları sahiblərinə vermək lazımdır. Bir dialoq 30 il davam edə bilərmi?
Hazırda Nikol Paşinyanın reytinqi hakimiyyətə gələndən bəri ən aşağı səviyyədədir. Bütün qüvvələr səfərbər olunub. Bütün müxalifət düşərgəsi bir yerdədir. Sadəcə, müharibə Ermənistana ciddi zərbə vurduğu üçün onlar hələlik susmağa üstünlük verirlər.

Yenisabah.az xəbər verir ki, Qlobal və Regional Təhlükəsizlik Problemləri Mərkəzinin rəhbəri, politoloq Qabil Hüseynli bildirib.
O qeyd edib ki, cəbhədən gələn əsgər meyitləri Ermənistanın hər yerində bomba kimi partlayıb:
“Adamlar bunun səbəbini Paşinyanda görürlər. Deyirlər ki, danışıqlar prosesini məhz o darmadağın etdi. Azərbaycan tərəfinin heysiyyatına toxunan hərəkətlər etdi. Bütün bunlar hələlik siyasi partiyaların sədrləri səviyyəsində Paşinyanın qınaq obyekti kimi tənqid olunmasına yönəldilmiş faktlardır. Qeyd olunur ki, danışıqlar prosesinin pozulması Paşinyanın ən böyük cinayətidir”.
“Erməni xalqı real vəziyyəti bilmək istəyirsə, bizə qulaq assın”.

Yenisabah.az xəbər verir ki, bunu Prezident İlham Əliyev “NTV Türkiyə” kanalına müsahibəsində deyib.
Dövlət başçısı jurnalistin “Qarşı tərəf masaya oturanadək siz cəbhədə irəliləyəcəksiniz?” sualına belə cavab verib:
“Biz irəliləyəcəyik. Onlar atəşkəsə riayət etmirlər. Biz ciddi əmr vermişdik ki, atəşkəsə ordumuz əməl etsin, biz saat 12-də durduq, amma onlar durmadı.
Biz özümüzü müdafiə etmək üçün hərəkətə keçdik, bir neçə kəndi də azad etdik. Sülh danışıqları başlayanda ilk təqvim verilməlidir ki, Ermənistan hansı torpaqdan nə vaxt çıxır və çıxmalıdır. Əks halda biz davam edəcəyik. Təməl prinsiplərində göstərilmişdi ki, ilk mərhələdə 5 rayon bizə qaytarılmalı idi. Artıq bizə qaytarılmalı olan 5 rayondan 2-nin böyük hissəsi bizdədir.
Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyevə yeni vəzifə verilib.

Yenisabah.az xəbər verir ki, K. Əliyev BDYPİ-nin İmtahan Qeydiyyat idarəsinə rəis təyin olunub.
Qeyd edək ki, Qeydiyyat İmtahan İdarəsinin əvvəlki rəisi, polkovnik İlham Rəcəbov idi. O, bu ilin iyul ayında koronavirusdan rəhmətə getmişdi. 
"Bu dəqiqə Ermənistanda hakimiyyət yoxdur. Ordu özbaşına, prezident özbaşına, baş nazir özbaşına, xalq özbaşına... Hərə öz hayındadır".

Yenisabah.az xəbər verir ki, bunu ehtiyyatda olan polkovnik Məhərrəm Cahangirov deyib.
Polkovnik bildirib ki, Azərbaycan xalqı ayağa qalxıb və artıq oturmaq istəmir, tam qələbəyə qədər bu davam edəcək:
"Ermənistan ordusu bilmir hara gizlənsin, cəbhə bölgəsindən necə qaçsın. Nikol Paşinyan nə qoşunlarını idarə edə bilir, nə də ordu rəhbərliyi qalıb. Onlarda vəziyyət çox gərgindir. Ona görə, xaotik, axırıncı nəfəslərində can verə-verə düşünürlər ki, nəsə edələr, Azərbaycan xalqında panika yaradalar. Amma bu xalq həmin xalq deyil.
“Füzuli rayonunun bir sıra kəndlərini biz işğalçılardan azad etdik”.
Yenisabah.az xəbər verir ki, bunu Türkiyənin NTV televiziya kanalına müsahibəsində Azərbaycan Prezidenti İlham Əliyev söyləyib.
“Əminəm ki, yaxın zamanlarda Füzuli

Видео Əsas xəbərlər 16.10.2020 (Vacib Xəbər!) канала Musa Media