Bakı sakinindən icra başçısı Asif Əsgərova dəhşətli ittihamlar!

Bakıda vətəndaşın evi qanunsuz olaraq sökülüb. Vətəndaş iddia edir ki, mənzilində olan əşyalar da oğurlanıb.

Musavat.com xəbər verir ki, Nəsimi rayonunda yaşayan Mansur Ələkbərov haqsızlığa məruz qaldığını bildirir.

M.Ələkbərov söyləyir ki, evinin qanunsuz sökülməsinin səbəbkarlarından biri də Nəsimi Rayon İcra Hakimiyyətinin başçısı Asif Əsgərovdur.

Narazı vətəndaş qeyd edir ki, evinə ödənilən kompensasiya ilə razı olmadığı halda məhkəmə qərarı olmadan mülkiyyəti dağıdılıb.

Tikintini aparan şirkət kimi "Marin Grup" və "Gloria Palace" göstərilir. Adı çəkilən şirkətlərdən hansının tikintiyə və söküntüyə nəzarət etdiyini vətəndaş özü də bilmir.

"Mənzillər sökülən zaman sakinləri "Olympus Park" şirkətinin ofisinə çağırırdılar. Əvvəl elə bilinirdi ki, tikinti bu şirkətindir. Sonra deyildi ki, "Marin Grup" və ya "Gloria Palace" tikintiyə nəzarət edir və sadəcə "Olympus Park"ın ofisində otururlar. Bu şirkətlərə icra başçısı, deputat nəzarət edir"- deyə vətəndaş şikayətində qeyd edir.

Mövzu ilə bağlı icra hakimiyyəti ilə əlaqə saxlamağa çalışsaq da telefon zənglərimizə cavab verən olmadı.

Söküntü aparılan ərazidən hazırlanan videoreportajı təqdim edirik.

İlkin Muradov

Video: Elçin Ələkbərov
Kanala abonə ol : https://www.youtube.com/TVmusavat
Email: Musavat7777@gmail.com

Kanala baxdığınız üçün təşəkkürlər

Видео Bakı sakinindən icra başçısı Asif Əsgərova dəhşətli ittihamlar! канала TV Musavat