Bakıda Yeni il yarmarkaları: qiymətlər, xidmət və fərq! Xalqın gözü...

Dekabrın 21-dən etibarən “Aqrar Tədarük və Təchizat” ASC tərəfindən Dünya Azərbaycanlılarının Həmrəyliyi Günü və Yeni il bayramı münasibətilə təşkil olunan “Kənddən şəhərə” Qış Yarmarkası fəaliyyətə başlayıb.
Pandemiyanın yayıldığı ərəfələrdə yarmarkanın təşkil edilməsi digər illərə baxanda vəziyyəti bir qədər fərqli edib. Məhz belə bir şəraitdə, yarmarkaların fəaliyyət göstərməsi pandemiyayla bağlı mübarizə tədbirlərinin ikiqat gücləndirilməsini vacib edib.
Musavat.com-un reportyor qrupu olaraq, “Gənclik” metrostansiyası yaxınlığında fəaliyyət göstərən yarmarkada müşahidələr apardıq. İlk olaraq pandemiyayla bağlı görülən tədbirlərə maraqlandıq.
Müşahidələrimizdən gördük ki, bazarın girişində könüllülərdən ibarət bir qrup gənc gələn şəxslərin hərarətini ölçür, əllərini dizinfeksiya edir.
Həmçinin bazarda fəaliyyət göstərən fermerlər təşkilatçılar tərəfindən zəruri tibbi ləvazimatlarla (tibbi maska, əlcək, spirt və s.) təmin olunublar. Eləcə də, yarmarkada virusdan qorunmağın yollarını göstərən məlumat lövhələri quraşdırılıb. Bazarda yaradılan şəraitdən həm satıcılar, həm də alıcılar razıdır.
Qiymətlərə gəldikdə isə, yarmarkada satılan məhsulların qiymətləri digər bazar və mağazalarda müəyyən edilən qiymətlərdən ucuzdur. Lakin müştərilər arasında bəzi məhsulların qiymətlərinin yüksək olmasından narazı qalanlar da oldu.
Qeyd edək ki, Dekabrın 31-nə kimi davam edəcək “Kənddən Şəhərə” Qış yarmarkası Bakı və Abşeronda 3 ünvanda fəaliyyət göstərəcək.
Elçin Əkbərov, musavat.com

Kanala abonə ol : https://www.youtube.com/TVmusavat
Email: Musavat7777@gmail.com

Kanala baxdığınız üçün təşəkkürlər

Видео Bakıda Yeni il yarmarkaları: qiymətlər, xidmət və fərq! Xalqın gözü... канала Tv Musavat