fathers day 2023 අම්මා නැති දරුවන්ට පියා කරන දේ

(දඹුල්ල කාංචන කුමාර ආරියදාස 0773416157)

2023.06.17
අම්මා නැති දරුවන්ට පියා කරන දේ
තම කුඩා දියණියන් දෙදෙනාත් පුතාත් ජීවත්කරවන ආදර්ශමත් ආදරණීය පියෙකු දඹුල්ල වෑවලවැව ප්රදේශයේ අලකොලවැව නම්වූ අති දුෂ්කර වනයක් ආසන්නයේ ජිවත් වන බව ලෝක පියවරුන්ගේ දිනයදා අපට හමු විය.
හදිසි රෝගාතුර වීමකින් තම පණ මෙන් ආදරය කළ බිරිද මිය යෑමත් සමග දියණියන් දෙදෙනාත් පුතාත් රැකබලා ගැනීම මෙම පියාට උරුම වී තිබේ. කුලී වැඩ කරමින් ඉතා සතුටින් ජීවත් වූ මෙම පවුලේ සතුට අහිමිවීමත් සමග මවගේ උණුසුම්ත් පියාගේ රැකවරණයත් දරුවන්ට කිසිදු අඩුවක් නොදී දිනකට වේල් දෙකක් කුමන හෝ අහරයක් ලබාදී හැඬූ කඳුළින් මෙම තරුණ පියා සමස්ත සමාජයට ආදර්ශයක් දෙමින් ජීවත් වීම ලෝක පියවරුන් සමරන දිනයේ සතුටින් කිව යුතුමය.
දඹුල්ල වෑවලවැව අලකොල වැව ප්රදේශයේ පදිංචිව සිටින ජි .ජි .රුවන් කුමාර (41 ) හැවිරිදි මෙම තාත්තා දරුවන් තිදෙනෙකුගේ පියෙකි. කුඩාවට තනාගත් පුංචි කාමර දෙකක ඔවුහු ජීවත් වෙති ,ඔහුගේ ආදරණීය බිරිඳ චමිලා ජයතිලක (38 ) වියේ පසුවෙද්දී කිසිදු ලෙඩක් රෝගයක් පෙන්නුම් නොකොට එක වැරම වැලළඳුණු හිසේ කැක්කුම්ක් දරා ගැනීමට නොහැකිව හදිසියේම මියගිය බව රුවන් කුමාර දෑස් වලින් කඳුළු වගුරුවමින් සිහිපත් කරන්නට විය.
රුවන් කුමාර ගෙ වැඩිමහල් පුතා වයස අවුරුදු දාහතකි, මව මිය යෑම්ත් සමග ඔහු පාසල් දිවියට සමුදී ප්රදේශයේ හමුවන කුලී වැඩක් කරමින් තම පියාට සවියක් වීම් විශේෂ විශේෂත්වයකි ,අප මෙම නිවෙසට යන අවස්ථාවේදී මෙම වැඩිමල් පුතා කුලී වැඩකට ගොස් සිටීමද විශේෂත්වයකි ,දෙවැනි දියණිය කවීෂා දෙව්මිණි වයස අවුරුදු 13 කි ,එමෙන්ම සනුදි සෙහන්සා තවමත් වයස අවුරුදු 8 ක් වූ පිය තුරුලේ හුරතල් වෙන දියණියකි.
දරුවන්ගේ වැඩ කටයුතු නිසාවෙන් රුවන් කුමාරට නිතර නිතර රැකියාවකට යෑමට අපහසු වී තිබේ .ඔහු අසල්වැසි හිතවතකුගෙන් ගව දෙනුන් කිහිපදෙනෙකු ඉල්ලාගෙන මේච්චලයට රැක බලා ගෙන එලදෙනුන්ගෙන් ලබාගන්නා කිරි වලින් මෙම දරුවන්ගේ අවශ්යතා සපුරා ගන්නා බව කියයි

උදෑසන අවදිවන රුවන් කුමාර දියණියන් දෙදෙනාගේ පාසල් ගමනට අවශ්ය ආහාර පාන පොත්පත් සකසා සුදු ගවුම් සූදානම් කොට ඔවුන් පිරිසිදු කර දියණියන්ගේ කොන්ඩ පීරා දිරාගිය යතුරු පැදියක නංවාගෙන කිලෝමීටර් දෙකක් පමණ දුර පිහිටි පාසලට රැගෙන යන්නේ මහ වන මැද මාර්ගයකිනි
රුවන් කුමාර වැඩිමහල් දියණියගේ හිස පීරා කොණ්ඩ කරල් දෙක ගොතනු ලබන්නේ මවක විසින් සිදු කරන ආකාරයටමය, ඉතා අලංකාරව ඔහුට කොණ්ඩය ගෙතීමට හැකිය. කොණ්ඩ ගෙතීමට පුරුදු වුණේ තම බිරිඳගේ හිස පීරා කොණ්ඩය ගෙතීම සිදු කළ නිසාවෙන් බව හඬා වැටෙමින් අප සමග සඳහන් කරන්නට විය.
පසුව නිවසට පැමිණෙන රුවන් තමන් ඇති දැඩි කරන කිරි එළදෙනුන් ගෙන් කිරි ලබාගෙන ගව ගාල සුද්ද කොට එම සතුන්ට තනණකොළ කපා දවසේ වැඩ අරඹන බව හෙතෙම කියයි.
නැවතත් දවල් වන විට දියණියන් දෙදෙනා රැගෙන ඒමට පාසලට යා යුතුව තිබේ. අලකොලවැව ප්රදේශ්යේ දුෂ්කර අනාරක්ෂිත වන ගහන ප්රදේශයක ජිවත් වන නිසා ඔහු තම දියණියන් දෙදෙනාගේ ආරක්ෂාව අංක එක ලෙස සලකනු ලබයි.
මියගිය චමිලා ජයතිලක මහත්මියගේ පියා අප සමග තම බෑනා පැසසුම්ට ලක් කරන්නට විය. එවැනි තාත්තා කෙනෙකු ඉතා දුර්ලභ බව එම පියා අප සමග සඳහන් කළේය.
කවීෂා දෙව්මිණී වයස අවුරුදු දහතුනක් වූ දියණිය අප සමග කියා සිටියේ ලෝකයේ සිටින හොඳම තාත්තා තමන්ගේට හමු වී ඇති බවය. අම්මා මියයන්නට පෙර සිටම අම්මාගේ කටයුතු පවා තම පියාණන් අතින් සිදු වූ බවත් අදට ද එය නොපිරිහෙලා තම අයියට සහ නංගීට එක ලෙස සිදුකරන බව පැවසුවාය

අම්මා කෙනෙකු නොමැති විට දරුවන්ට යන කල දවස කුමක්දැයි සමාජයේ බොහෝ තැන් අසන්නට දකින්නට ඇති අවස්ථාවක තරුණ පියෙක් ලෙස රුවන් කුමාර මුළු මහත් සමාජයටම ආදර්ශයක් දෙමින් පියාගේ භූමිකාවට වඩා එහා ගිය මවගේ භූමිකාවද ක්රියාවට නංවනු ලබයි.
මෙම පියාගේ එකම බලාපොරොත්තුව තම දියණියන් දෙදෙනාට ආරක්ෂිතව කුඩා කාමර දෙකක් ඉදිකර ගැනීම මෙන්ම තමන්ට ම කියා කිරි එළදෙනක් ලබා ගැනීම පමණක් බවය .
එවිට තමන්ට දරුවන් ආරක්ෂිතව ජීවත් කරවීමට හැකි බව ඔහු කියයි. රුවන් කුමාර මහතාට කාගේ හෝ උදව්වක් ලබා දෙන්නේ නම් ඔහුගේ දුරකථන අංකය 0768596826 ලිපිනය ජී .ජි . රුවන් කුමාර අලකොලවැව, වැවලවැව , දඹුල්ල,

Видео fathers day 2023 අම්මා නැති දරුවන්ට පියා කරන දේ канала Kanchana Ariyadasa