wewalawewa pasale kolla තෙමි තෙමි කුස්සියේ නිදියන ලෝක පුජිත ගමේ ක්‍රීඩකයා ගේ දුක හිතෙන කතාව

(දඹුල්ල කාංචන කුමාර ආරියදාස 0773416157 )

දිලිප් හසාන් සෙනෙවිරත්න 0714055496

2023.11.30
ශ්රී ලංකා ඉතිහාසයේ ප්රථම වතාවට ලෝක බේස්බෝල් කණ්ඩායමකට තේරීපත්වූ එකම ක්රීඩකයා තවමත් වැස්සට තෙමි තෙමි කුඩා කාමර දෙකක නිවසක ජයග්රහණ කුසලාන රැසක් තමා ගෙන අති දුෂ්කර ජීවිතයක් ගත්කරන පුවතක් දඹුල්ල වෑවල වැව ප්රදේශ්යෙන් අසන්නට තිබේ.
කුලී වැඩ කරන දෙමව්පියන් මෙම ජාතික හා ජාත්යන්තර ක්රීඩකයා නිර්මාණය කොට අද කඳුළු සලමින් දරුවා පිළිබඳව සතුටු වෙමින් ජීවත් වේ.
ලෝකයේ රටවල් 128 ක තරඟකකරුවන් සමඟ උරේන් උර ගැටී ක්රීඩා කරන මෙම ග්රාමීය ක්රීඩකයා සොයාගෙන අප දඹුල්ල වෑවල වැව ගම්මානයට 02 දින ගියෙමු .

බේස් බෝල් යුනයිටඩ් විසින් ඩුබායි හි සංවිධානය කරනු ලබන කී ර් තිමත් ෆ්රාන්චයිස් ලීක් තරගාවලියේ ලෝක බේස්බෝල් කණ්ඩායමට ඉතිහාසයේ ප්රථම වරට ශ්රී ලංකාව නියෝජනය කරමින් තේරීපත්ව තරග කොට ලංකාවට පැමිණි දඹුල්ල වෑවල වැව ප්රදේශයේ පදිංචි දිලිප් හසාන් සෙනෙවිරත්න ක්රීඩකයා පිළිගැනීමේ උත්සවයක් දඹුල්ල වෑවල වැව ප්රදේශයේ ජනතාව විසින් 30 දින පස්වරුවේ දඹුල්ල බස් නැවතුම්පොළේ දී සූදානම් කොට තිබිණි

අති දුෂ්කර ප්රදේශයක් වන වැවලවැව ප්රදේශයේ පදිංචි යුද හමුදාවේ සේවය කරන හසාන් සෙනෙවිරත්න ලංකාවට පැමිණ ඇති අවස්ථාවේ ඔහු පිළිගැනීම සඳහා දඹුල්ල ප්රාදේශීය ලේකම් කොට්ඨාසයේ රාජ්ය ආයතන රැසකට ආරාධනා කළ ද දඹුල්ල පොලිසිය හැර අනෙකුත් සියලුම රාජ්ය ආයතන තම ගමේ ලොව දිනූ ක්රීඩකයා පිළිගැනීමට නොපැමිණි බව එහි සංවිධායකයෝ දැඩි වේදනාවෙන් යුතුව ප්රකාශ කිරීම් විශේෂත්වයකි.
ඊට හේතුව ලොව දිනු මෙම ක්රීඩකයා කුලී කම්කරු ගොවි පන්තියේ දරුවෙකු වීම නිසාවෙන් බවත් වැවලවැව ජනතාව පැවසුහ .
දිලිප් හසාන් සෙනෙවිරත්න දඹුල්ල වැවලවැව මහා විද්යාලයේ අධ්යාපනය ලබමින් එම විද්යාලයේ බේස්බෝල් කණ්ඩායමට කුඩා කාලයේ සිට ඇතුළත්ව ජාත්යන්තර තරඟ කිහිපයකට සහභාගී වූ ක්රීඩකයෙකි. මව සහ පියා ගොවිතැන් සහ කුලී වැඩ කරමින් ජීවත් වන අතර අවස්ථා කීපයකදීම ඔහුට ක්රීඩාවට අවශ්ය මිල මුදල් සහ අනෙකුත් අත්යවශ්ය ලබා ගැනීම සඳහා මාධ්යයක් ලෙස අප ඉදිරිපත් ව ඔහු ගැන ප්රවෘත්ති පළ කොට ඊට සහයෝගය ලබාදී තිබීම විශේෂත්වයකි.
ලෝක බේස්බෝල් කණ්ඩායම සඳහා ශ්රී ලංකාවෙන් තරගකරුවන් පස් දෙනෙකු තෝරා ගෙන තිබුණු අතර එයින් මෙම ක්රීඩකයා පමණක් තේරී පත්ව තිබුණු බවත් මෙම කණ්ඩායම නියෝජනය කිරීම සඳහා ලෝකයේ රටවල්128 කින් තෝරා ගැනීම් සිදු කර තිබෙන බවද මෙහිදී සඳහන් කෙරිණි
යුද හමුදාවේ සේවය කරන ඔහු පළිගැනීම සඳහා දඹුල්ල වෑවල වැව ප්රදේශයේ ග්රාමීය ජනතාව රැසක් දඹුල්ල නගරයට පැමිණ සිටීම සුවිශේෂී කරුණකි එමෙන්ම මෙම තරඟාවලිය සඳහා සහභාගී වූ මෙරටට පැමිණි ක්රීඩකයා සඳහන් කළේ රට වෙනුවෙන් ක්රීඩා කරන්න තමන්ට ලැබුණු අවස්තාව විශාල භාග්යයක් බව ය .
දඹුල්ල වැවල වැව නැමැති ඉතා දුෂ්කර වූ ග්රාමීය ප්රදේශයට ගිය අපට දැක ගැනීමට හැකි වූයේ දිවයිනේ ප්රරථම වරට බේස්බෝල් කණ්ඩායමකට සහභාගි වූ එකම පළමු ක්රීඩකයා ජීවත් වන්නේ කටුමැටි ගැසූ කුඩා කාමර දෙකකය. තවත් කුඩා මලනුවන් සහ නැගණියක් ද මෙම ක්රීඩකයාට වෙයි. නිවසේ ඇති කැඩුණු ඇඳක් පමණි, ඇඳේ ඔහු වැස්සට තෙමි තෙමී කුස්සියේ රැය පහන් කරන්න බව නිවාඩු පැමිණි විට රැය පහන් කරන බව සඳහන් කළේය. මව පියා සහ අනෙකුත් සහෝදරයා සහෝදරිය බිම් පැදුරු එලාගෙන නිදා ගනිති.
ගමේ ගොඩේ හැදුණු වැඩුණු ඔහු වෑවල වැව විද්යාලයේ බේස්බෝල් කණ්ඩායමට එක්ව මේ වන විට ජාතික කණ්ඩායමේ ක්රීඩකයෙකු ලෙසත් යුද හමුදාවේ බේස්බෝල් කණ්ඩායමේ ක්රීඩකයෙකු ලෙස සේවය කරනු ලබයි
ඊට අමතරව රටවල් ගණනාවක් තරග රැසක් ජයග්රහණය ලැබූ ක්රීඩකයෙකි ,පසුගිය කාලයේ ජපානයේ පැවති බේස්බෝල් තරඟයකදී අති වේගයෙන් ධාවනය වන රකින මෙන්ම ගුවනේ පාවෙමින් රකින ක්රීඩකයා ලෙස එම රටේ විශාල ප්රසිද්ධියක් ඔහුට තිබිණි .ඒ අනුව ලෝක බේස්බෝල් කණ්ඩායමේ තරුණ ක්රීඩකයන් අතරට තමන්ට ළඟා වීමට හැකි වූ බව හෙතෙම සඳහන් කළේය.
අප මෙම නිවෙසට යන අවස්ථාවේ ද ප්රදේශයේ ග්රාමීය ජනතාව මේ ක්රීඩකයා දැක බලා ගැනීම සඳහා පැමිණි සිටි අයුරු ද දැක ගැනීමට හැකි වූ අතර ප්රදේශවාසීන් ගේ එකම ඉල්ලීම බවට පත්වූයේ මෙම ලෝක ක්රීඩකයාට ජීවත්වීම සඳහා කුමන හෝ ආකාරයෙන් නිවසක් තනා ගැනීමට සිදු කළ යුතු බවය ඔහුගේ මව පියා හැඬූ කඳුළින් සඳහන් කළේ තම දරුවාට කෙසේ හෝ කුලී වැඩ කරමින් අධ්යාපනය මෙන්ම ක්රීඩාවට අවශ්ය උදව් උපකාර සිදුකළ බවය එමෙන්ම වෑවල වැව විද්යාලයේ එම විෂය භාර ගුරුවරුන් මෙන්ම විදුහල්පතිවරයා ප්රදේශ්වාසීන් සුවිශාල වූ කැප කිරීම් කළ බවද ඔවුන් අප සමග හැඬූ කඳුළින් පැවසූ අතර ජපානයේ පැවති තරගයට ගමන් කිරීම සඳහා ගුවන් ප්රවේශපත්ර ලබා ගැනීමට නොහැකි වීමේ දී මෙරට ජනමාධ්ය මගින් ලබාදුන් පුළුල් ප්රචාරය නිසා එම සිහිනය සැබෑ වීම නිසාම තමන්ගේ දිවිය ක්රීඩා දිවිය ජයගත් බව මෙම ක්රීඩකයා දැඩි සිත් වේදනාවෙන් යුතුව අප සමග සඳහන් කළේය.

Видео wewalawewa pasale kolla තෙමි තෙමි කුස්සියේ නිදියන ලෝක පුජිත ගමේ ක්‍රීඩකයා ගේ දුක හිතෙන කතාව канала Kanchana Ariyadasa