Наразылыққа шыққан көпбалалы аналардың мұңын тыңдауға министр шыққан жоқ

Күн сайын қымбаттап жатқан азық-түлік бағасы мен әлеуметтік жағдайдың төмендігі. Бүгін Нұр-Сұлтандағы көпбалалы аналарды Еңбек және халықты әлеуметтік қорғау министрлігі алдына жинаған мәселе де осы. Шәпкеновтен жауап сұрай келген топқа министр шықпаған соң, олар жоғары биліктегілерге қарай бет алды. Алайда жолды бөгеген арнайы жасақ жиналған топты ары асырмады.
Өзіміздің ғана емес, барша қазақстандықтың күйін күйттеп келдік деген аналар бүгін сол жағалауға тағы жиналды. Бұған дейін бірнеше рет түрлі министрлікке хат жазып, үндеу жолдаса да мардымды жауап ала алмаған екен. Енді олар халықтың әлеуетіне жауап беретін министрлік басышысымен тікелей жүздесуге бірақ келді.
ҚАНАҒАТ ШҮМЕНОВА, Қоғам белсендісі:
– Бірінші мәселе ол баспананың қолжетімсіздігі. Бүгінгі таңдағы "Бақытты отбасы", "Шаңырақ" бағдарламалары бойынша әлеуметтік осал топқа үй алу мүмкін емес. Екінші мәселе, азық-түліктің бағасы.
Халықтың тұрмысын түзеу үшін аналар барлық балаға 18 жасқа дейін 42500 теңге жәрдемақы төленуі керек дейді. Өйткені соңғы кезде мекенжай бойынша берілетін әлеуметтік төлемнің де көлемі қысқарып қалыпты. Ал министр орнына шыққан министрлік өкілі бұл мүмкін емес дейді.
ГҮЛМИРА ЖӘКЕНҚЫЗЫ, ҚР Еңбек және халықты әлеуметтік қорғау министрлігінің басқарма басшысы:
– Министрліктің басқарма басшысының жауабына қанағаттанбаған азаматтар жоғары билік пен депутаттармен тілдесеміз деген үмітпен топтасып үкімет үйіне бет алды.
Ал, дәл осы уақытта мәжілісте бала күтіміне төленетін жәрдемақыны үш жасқа дейін көтеру, жалға берілетін үйді сатып алу құқығын қайтару, әр балаға 18 жасқа дейін орташа айлық есептік көрсеткіш көлемінде жәрдемақы төлеу мәселесі қаралып жатқан еді.
АЙЖАН СҚАҚОВА, ҚР Парламенті Мәжілісінің депутаты:
– Әлеуметтік осал топқа сай келетін тұрғын үй бағдарламасын әзірлеу. Оның пайыздық мөлшерлемесі 0-ге тең және алғашқы жарнасы болмауы керек.
Сондай-ақ депутаттар ауылдық жерде тұратын әр отбасыға 20 жүздік жер беру керек деген де ұсыныс айтты. Алайда әр қазақстандыққа заң бойынша тиесілі 10 жүздік берілмей отырғанда депутаттардың бұл ұсынысы айды аспаннан алып бер дегенмен бірдей сияқты.
Гүлназ Сайлауқызы, Нұркен Тоқмурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#наразылық #көпбалалы_аналар #НұрСұлтан

Видео Наразылыққа шыққан көпбалалы аналардың мұңын тыңдауға министр шыққан жоқ канала Информбюро 31