Қатағон қурбони Карим Абдуллаевнинг аччиқ қисмати | Millat fidoyilari

"Миллатимиз фидойилари" кўрсатуви
"Ўзбекистон тарихи" телеканали
Абдуллаев Карим, 1905 йилда Туркистон шаҳрида туғилган, ўзбек, ҳибсга олингунга қадар Ўзбекистон ССР соғлиқни сақлаш халқ комиссари, 1937 йил 5 августда Ўзбекистон ССР ички ишлар халқ комиссарлигининг Давлат Хавфсизлиги бошқармаси томонидан ҳибсга олинган. Ўзбекистон ССР Жиноят Қодексининг 58, 63, 64 ва 67-моддаларига биноан 1932 йилдан бошлаб Советларга қарши, буржуа-миллатчи, исёнчи, аксилинқилобий ташкилотнинг фаол аъзоларидан бўлган.
СССР Олий суди Ҳарбий ҳайъати сайёр сессиясининг 1938 йил 1 октябрдаги ҳукми билан Қарим Абдуллаев энг олий жазо — отиб ўлдиришга ҳукм қилинган, ҳукм ижро этилган.
СССР Бош прокурори 1957 йил июль ойида СССР Олий судига юборган хулосасига биноан, қўшимча текширувда аниқланишича, К. Абдуллаев ҳеч қандай жиноят қилмаган ва асоссиз жазога маҳкум этилган.
СССР Олий суди Ҳарбий ҳайъати жиноий иш материаллари билан танишиб, СССР Бош прокурори хулосаларига қўшилиб, ўзининг 1957 йил 1 августдаги ажрими билан СССР Олий суди Ҳарбий ҳайъати 1938 йил 1 августда Карим Абдуллаевга нисбатан чиқарган ҳукмни бекор қилди ва унинг фаолиятида жиноий ҳаракат йўқлиги сабабли ишини тўхтатди.
Ўзбекистон ССР КГБси 1957 йил 28 октябрда Карим Абдуллаевнинг қизи — Маҳбуба Абдуллаевага отаси оқланганлиги тўғрисида маълумотнома берган.

Видео Қатағон қурбони Карим Абдуллаевнинг аччиқ қисмати | Millat fidoyilari канала UZBEK TV