Кыргыз-тажик чек арасындагы чыр

Бүгүн, 18-декабрда Баткендин Көк-Таш айылында кыргыз-тажик чек арасындагы чатактан улам кыргызстандык милиция кызматкери жаракат алды. Бул тууралуу Мамлекеттик чек ара кызматынан билдиришти.

Маалыматка караганда, бүгүн саат 11:30 чамасында чек ара тилкесинде чыр чыгып, эки тараптан адамдар топтолгон. Чек арачылардын, жергиликтүү бийлик өкүлдөрүнүн сүйлөшүүлөрүнүн жүрүшүндө тажик тараптан белгисиз адамдар Кыргызстандын жарандары тарапка таштарды ыргыта башташкан. Кыргыз тарап жооп кылып таш ыргытып, тажик тараптын 2 унаасынын айнегин талкалап салган. 20 мүнөттөн кийин тажик тараптан ок атылып, Кыргызстандын милиция кызматкери жаракат алды. Учурда сүйлөшүүлөр токтотулду. Эки тарап тең элге түшүндүрүү иштерин жүргүзүп жатат.

Толугу менен: http://www.turmush.kg/news:383623

Видео Кыргыз-тажик чек арасындагы чыр канала Aimak Akipress