Қирғизистон - Тожикистон чегарасида яна тўкнашув

Қирғизистон - Тожикистон чегарасида яна тўкнашув
Қирғизистон республикаси Давлат чегара хизматининг хабар қилишига кўра, 7 май куни кечаси Боткен вилояти Боткен туманида жойлашган якка ўрик қишлоғида Қирғизистон ва Тожикистон фуқаролари ўртасида можаро бўлиб ўтди. Можаро келиб чикишига сабаб эса
Баткен-Исфана автойўлидан ўтаётган Қирғизистон фуқаросининг машинаси Тожикистон фуқаролари томонидан тошбўрон қилиниши бўлган. Бир неча соат давом этган тартибсизликларда ҳар икки томондан 1500та одам иштирок этган ва ўзаро бир-бирларини тошбўрон қилганлар. Можаро натижасида Қирғизистон фуқароларидан камида 14 киши жароҳат олгани айтилмоқда. Улардан 9 нафари Боткен вилоят касалхонасига ётқизилган. Бундан ташқари қирғиз расмийларидан 12 милиция ходими тошбўронда қолиб жароҳатлангани билдирмоқда. Хабарда айтилишича икки давлат фуқаролари содир этган тартибсизликлар пайтида таҳминан 60 яқин одам жароҳат олган ва уларнинг камида 22 нафари оғир жароҳатлар билан касалхонага ётқизилди. Қирғизистон ҳудудида бир ёнилғи қуйиш шаҳобчаси, 3 контейнер, 2 дўкон ва 2 та юк автомашинаси ёқиб юборилган.

Тожикистон томонининг билдиришича, Ворух анклавида яшовчи 8 тожикистонлик оғир жароҳатлар билан касалхонага ётқизилган, улардан бири қирғиз фуқаросининг ов милтиғидан отган ўқидан ярадор бўлган. Бундан ташқари бир нафар тожик милиционери ҳам ўқотар қуролдан оғир яралангани хабар қилинмоқда.

Сўнгги бир неча ой ичида Қирғизистон-Тожикистон чегарасида бўлиб ўтган бир неча катта ва кичик низолар содир этилди. Бу икки қардош ҳалқлар Ислом соясида олдинлари ҳеч кандай чегараларни билишмаган ва бир бирлари билан қуда-анда бўлиб ҳаёт кечиришган, лекин мусулмонлар ўз динларидан узоқлаша бошлагач мустамлакачи давлатлар бу мусулмонлар онгига миллатчилик ва ватанпарварлик фикрларини сингдира бошлаган. Бунинг натижасида эса бугунга келиб икки мусулмон қардош ҳалқ бир бирларига душман бўлиб бормоқдалар.
https://www.facebook.com/CentralAsiaMedia

Видео Қирғизистон - Тожикистон чегарасида яна тўкнашув канала Central Asia Media