«Министр орнын босатсын!». Қымбатшылықтан қысылған жұрт айқайға басты

Нұр-Сұлтанда азық-түліктің қымбаттағанына наразылық білдірген бір топ азамат сауда және интеграция министрі Бақыт Сұлтанов орнынан кетсін деп талап қойды. Айтуларынша, халық көп баратын сауда нүктелерінің өзінде қазір картоп пен сәбіздің бір келісі 500 теңгеден асып кеткен. Ал, ауладағы көкөніс сататын дүңгіршектерде одан да қымбат дейді. Онсыз да күнімізді әрең көріп отырмыз деп ашынған әйелдер министрдің өзінен жауап болмаса жаппай шеруге шығамыз деп отыр. Ал, жауаптылар болса бұл маусымаралық қымбатшылық, көкөністің бағасы алдағы екі аптада түседі деп түсіндірді.
Жәрдемақымен күн көріп отырған бұл аналарды қымбатшылық әбден ашындырған. Елордалық Әлия Абылаева үнемі бағаны бақылап, салыстырып жүремін дейді. Екі ай бұрын осында келіп, көкөністің қымбаттап кеткенін айтып, министрлік мамандарымен қара базарға барыпты. Жауаптылар сол кезде бағаны бақылауда ұстаймыз деп уәде бергенімен, керісінше одан сайын көтеріліп кетті дейді.
ӘЛИЯ АБЫЛАЕВА, көпбалалы ана:
– Каспи редпен аламыз сол продуктыны. Кредитке алып отырмыз. Басқа ешқандай не жоқ потому что вообще ақша жоқ. Действительно! Мен қазір коммуналканы төлей алмай отырмын. Өйткені маған бала-шағаны кормить ету керек.
Министрдің құрғақ уәдесіне сенбейміз деген көпшілік қымбатшылық тыйылмаса қарапайым халықтың жағдайы тағы нашарлайды деп отыр. Әкімдіктер картоп пен сәбіздің қажетті қорын жинай алмады деген Бақыт Сұлтановтың ресми жауабына да иланбайды. Кім жауапты болса да бағаны шұғыл арзандатқанын қалайды.
ГҮЛЗАТ ТӨРЕБАЕВА, көпбалалы ана:
– Почему не сократить зарплату министрам. Тому же Султановам. Не исправился? Вырос у тебе цены в течений года? Все! В плодь до увольнение. Нет на наше правительство преподчитает экономить на народ. Народ, ты потерпи немножко. Вы поголадайте чуть-чуть.
Жиналғандардың айтқан ірі сауда нүктесіне барып, көкөністің бағасын біз де көрдік. Мұнда бүгін түске дейін картоп 388 теңгеден, жуылмаған сәбіз 457, қызылша 569 теңгеден сатылды. Ал сауда министрлігіндегілер биыл көкөніс егушілер өнімін кеш жинады, алдағы 2 аптаның ішінде баға қайтадан түседі деді.
БАҚЫТЖАН ТӘҢІРБЕРДИЕВ ҚР СЖИМ, Сауда саясаты басқармасының басшысы:
– Мысалы біз сенбі күндері барып көрдік. Шарынға бардық. Тағы да басқа базарларға бардық. Енді бағалар әр түрлі. 250 теңге, 300 теңгеден бар. Оңтүстік өңірлерде жаңа егін пісіп жатты. Сол себепті 1-2 апта көлемінде баға тұрақтанады
АЙБАР ТӨЛЖАНҰЛЫ, тілші:
– Алайда, жауаптылардың бұл жауабына жиналғандар тағы да сенбеді. 250 теңге деген баға жоқ, қазіргідей сәбіз бен картоп 400-500 теңге аралығында сатылатын болса жаппай халықтық шеруге шығамыз деп тарқасты. Ал аналарды тыңдаған шенеуніктер барлық уәжін министр Бақыт Сұлтановқа жеткізіп, өзімен 25 маусымда кездестіреміз деп уәде берді.
Айбар Төлжанұлы, Нұркен Тоқмурзин
#қымбатшылық #наразылық #азық_түлік
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео «Министр орнын босатсын!». Қымбатшылықтан қысылған жұрт айқайға басты канала Информбюро 31