Қазақстанда әлеуметтік төлемнің қандай жаңа түрі енгізілуі мүмкін? 42500 әр балаға беріле ме?

Ішіп-жер асы күннен күнге қымбаттап бара жатқан Қазақстанда әлеуметтік төлемнің жаңа түрі енгізілуі мүмкін. Бұл туралы бүгін Еңбек және халықты әлеуметтік қорғау министрі Серік Шәпкенов мәлімдеді. Жаңашылдық "Әлеуметтік кодекс" қабылданған соң қолға алынбақ. Құжат қазір мәжілісте мақұлданып сенатқа жіберілді. Бір белгілісі төлем механизмі әзірленер кезде әдеттегідей Ресей секілді өзге ел тәжірибесі есепке алынады.
Соңғы апталарда Қазақстандағы көпбалалы аналар да, мәжіліс депутаттары мен оппозиция белсенділері де әр балаға 18 жасқа дейін 42500 теңге төленсін деген талап қойып жатыр. Оның есесіне олар барлық жәрдемақыны тоқтату керек деген болатын. Алайда министр Серік Шәпкеновтың айтуынша бұл талап орынсыз. Өйткен 6 миллионнан астам баласы бар Қазақстан бюджеті үшін бұл сома тым көп.
СЕРІК ШӘПКЕНОВ, ҚР Еңбек және халықты әлеуметтік қорғау министрі:
– Қырық екі мыңнан деп есептегенде оның қаражаты өте қомақты болады. Біздің министрлікте бюджетіміз 4 трлн-ға жақын. Республикалық бюджет где-то 14 трлн. Үштен бірі біздің министрлікте. Ана мен балаға қатысты, оларға қазір 700 миллиардтан астам сома бөлініп отыр.
Алайда елдің әлеуетіне тікелей жауап беретін министрдің бұл сөзіне көпшілік келісе қоймады.
Жағдайды жақсы түсінемін деген Серік Шәпкенов бір қызығы, министрлік алдына сан мәрте жиналып, мәселесін айтып келген топқа бірде бір рет шығып көрмепті. Бірақ кабинетте отырып-ақ мәселенің мән-жайын біліп отыр екен.
СЕРІК ШӘПКЕНОВ, ҚР Еңбек және халықты әлеуметтік қорғау министрі:
– Жұмыс барысында көптеген жиналыстар басқа мәселелер бар. Келген кісілердің барлығы туралы мен ақпараттамын, барлығының мәселесін мен бақылауға қоямын.
Министр көптің көкейінде жүрген зейнеткерлік жасқа қатысты да сауалға нүкте қойды. Ол Қазақстанда зейнет жасы өзгермейді деді. Өйткені жоғары зейнетақы алғысы келетін адамның соған сәйкес еңбек өтілі болуы керек. Ал зейнет жасы қысқарса, ол адам қажет соманы жинап үлгермейді дейді министр Шәпкенов.
Гүлназ Сайлауқызы, Дидар Елеуов

#әлеуметтік_төлем #42500
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Қазақстанда әлеуметтік төлемнің қандай жаңа түрі енгізілуі мүмкін? 42500 әр балаға беріле ме? канала Информбюро 31