Шуруъи канали шахсии Муҳиддин Кабирӣ

Ба номи Худованди бахшанда ва меҳрубон

Чуноне, ки пештар эълон шуда буд, инак суҳбати аввалро имруз бо шарҳи аҳдофи канал оғоз мекунем.
Ҳадафи асосӣ аз роҳандозии ин канал гуфтугӯ бо мардум буда, инчунин, расонидани фикру мулоҳизаҳо ва мавқеъҳои шахсӣ дар бораи ин е он мавзуъи муҳими чомеъа ва рӯз мебошад.
Ҳамчун роҳбари имрузаи Паймони Миллии Тоҷикистон ва Ҳизби Наҳзати Исломии Тоҷикистон назарҳо ва мавқеъҳои расмӣ ва ташкилотиро дар сомонаҳо, каналҳо ва баенияҳои расмӣ баен кардаем ва минбаъд ҳам хоҳем кард. Аммо, ҳамеша эҳсос мешуд, ки ниез ба як василаи баени назарҳо ва мавқеъҳои шахсӣ вуҷуд дорад. Зеро, на ҳама вақт назари шахсии як инсон бо мавқеъҳои ин е он созмон сад дар сад мутобиқат мекунад, ҳатто агар роҳбари он созмон ҳам бошад. Аз тарафи дигар, ҳастанд масъалаҳое, ки танҳо назари шахсиро талаб мекунанд, на назари созмониро. Бинобар ин, ҳар назар, фикр ва изҳороте, ки дар ин канал гуфта ва е навишта мешавад, танҳо назари шахсӣ буда, ба ПМТ ва ҲНИТ рабте надоранд ва масъулияташ ҳам бар души фард аст.
Суҳбатҳо дар ин канал формат ва мавзуъи хосе надошта, замон, шакл, ҷои сабт ва мавзуъҳо вобаста ба шароит, аҳамияти масоил ва зарурат интихоб мешаванд. Дар ин канал аз мавзуъҳои оддии рузмарра шуруъ карда, то сиесат, иқтисод, фарҳанг, дин, ҳунар, забон, таърих ва ҷомекъа ва давлатдорӣ гуфта мешаванд.
Мавзуъҳо ба се баста тақсим хоҳанд шуд: 1 ) Мавзуъҳое, ки худам хеле боз мехостам дар бораи онҳо бо мардум суҳбат кунам ва инҷо хоҳам кард. 2) Мавзуъҳое, ки худи мардум пешниҳод мекунанд ва саволҳое, ки аз тарафи мардум матраҳ мешаванд. 3) Мавзуъҳое, ки дар ҳаети ҳаррузаи сиесӣ ва чамъиятии мо пайдо мешаванд ва зарур аст, ки нисбати онҳо мавқеъи шахсӣ гуфта шавад.

Умедворам, каме ҳам бошад ин кор барои расидан ба як чомеъаи пешрафти муосир кумак хоҳад кард.

Бородари Шумо,

Муҳиддин Кабирӣ

Видео Шуруъи канали шахсии Муҳиддин Кабирӣ канала Muhiddin Kabiri