Прощание с Сакиной Шаймиевой. Минтимер Шәймиевнең хатыны Сәкинә ханымны соңгы юлга озату

Бүген, озакка сузылган каты авырудан соң, Татарстанның беренче Президенты, Татарстанның Дәүләт киңәшчесе Минтимер Шәймиевның сөекле хатыны Сәкинә Шәймиева мәңгелеккә күзләрен йомды.
Сәкинә Шәймиева – Минтимер Шәриповичның алты дистә елга якын ышанычлы тылы, зур эшләргә этәргән илһамчысы, илбашының тугры тормыш иптәше, ике баһадир ул тәрбияләп үстергән ана, кадерле дәү әни сыйфатларын үзенә туплаган олы йөрәкле ханым.

“Ирне ир иткән дә, хур иткән дә – хатын”, ди татар халык мәкале. Минтимер Шәймиев үзе дә еш кына үзенең гомере буе җитәкче урыннарда эшләвендә хатынының өлеше зур булуын әйтә килде.

Татарстан Республикасы ирешкән бүгенге дәрәҗәләрдә, һичшиксез, Сәкинә Шакировнаның да өлеше бәһасез.

Шәймиевлар гаиләсе – татарстанлылар өчен һәрвакыт үрнәк гаилә символы булып торды. Сәкинә Шакировнаның вафаты – бу гаиләне үзләренә үрнәк итеп алган татарстанлылар һәм бөтен дөньядагы татар халкы өчен дә зур югалту.

Бу хакта тулырак: https://intertat.tatar/society/mintimer-sh-ymiev-s-kin-bel-n-ber-berebezg-ber-k-r-d-gashyyk-buldyk/

Видео Прощание с Сакиной Шаймиевой. Минтимер Шәймиевнең хатыны Сәкинә ханымны соңгы юлга озату канала Tatar-inform .tatar