ಶಿರೂರು ಮಠದ 31ನೇ ಯತಿಯಾಗಿ ಅನಿರುದ್ಧ ಸರಳತ್ತಾಯ | 16 Year Old Successor To Shiroor Math | Vijay Karnataka

ಅಷ್ಟಮಠಗಳಲ್ಲಿ ಒಂದಾದ ಉಡುಪಿಯ ಶಿರೂರು ಮಠದ ಉತ್ತರಾಧಿಯಾಗಿ ಧರ್ಮಸ್ಥಳ ಸಮೀಪದ ನಿಡ್ಲೆಯ ಅನಿರುದ್ಧ ಸರಳತ್ತಾಯ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ದ್ವಂದ್ವ ಮಠ ಸೋದೆ ಶ್ರೀವಿಶ್ವವಲ್ಲಭತೀರ್ಥ ಸ್ವಾಮೀಜಿ ಘೋಷಿಸಿದ್ದಾರೆ. ಡಾ. ಎಂ. ಉದಯ ಕುಮಾರ್ ಸರಳತ್ತಾಯರ ಪುತ್ರ ಅನಿರುದ್ಧ 10ನೇ ತರಗತಿಯಲ್ಲಿ ಲೌಕಿಕ ವಿದ್ಯೆ ಪಡೆದಿದ್ದಾರೆ. ಅವರಿಗೆ 16 ವರ್ಷ ಪ್ರಾಯವಾಗಿದೆ. ಪ್ರಸ್ತುತ ತಂದೆ ಉದಯಕುಮಾರ್ ಅವರಲ್ಲಿಯೇ ಮೂಲ ಅಧ್ಯಯನ, ವೇದ ಅಧ್ಯಯನ ನಡೆಸಿದ್ದಾರೆ. ಮುಂದೆ ಉನ್ನತ ಗ್ರಂಥಗಳ ಅಧ್ಯಯನ ಸೋಂದಾ ಮಠದಲ್ಲಿ ನಡೆಯಲಿದೆ ಎಂದು ಸೋದೆ ಶ್ರೀಗಳು ತಿಳಿಸಿದರು. ವಟುವಿನ ಜಾತಕ ಪರಿಶೀಲನೆ ಮಾಡಿ ಎರಡು ವರ್ಷಗಳಾಗಿದೆ. ಆ ಅವಧಿಯಲ್ಲಿ ನಾನಾ ಪರೀಕ್ಷೆ ನಡೆಸಿ, ಪೀಠವನ್ನು ನಡೆಸುವುದಕ್ಕೆ ಯೋಗ್ಯರೆಂಬುದನ್ನು ಕಂಡುಕೊಳ್ಳಲಾಗಿದೆ. ಬಾಲ ಸನ್ಯಾಸ ಎಂಬುದು ಸಂಪ್ರದಾಯ. ಅದನ್ನು ಬಿಟ್ಟು ಯತಿ ನೇಮಕ ಮಾಡುವುದು ಸಾಧ್ಯವಿಲ್ಲ. ನಾವು ಕೂಡ 15ನೇ ವಯಸ್ಸಿನಲ್ಲಿ ದೀಕ್ಷೆ ತೆಗೆದುಕೊಂಡಿದ್ದೆ. ಈಗ ಅದೇ ಸಂಪ್ರದಾಯವನ್ನು ಮುಂದುವರಿಸಲಾಗುತ್ತದೆ ಎಂದು ತಿಳಿಸಿದರು.
#Udupi #Dharmasthala #16yrOldSuccessor
Our Website : https://Vijaykarnataka.com
Facebook: https://www.facebook.com/VijayKarnataka/
Twitter: https://twitter.com/vijaykarnataka

Видео ಶಿರೂರು ಮಠದ 31ನೇ ಯತಿಯಾಗಿ ಅನಿರುದ್ಧ ಸರಳತ್ತಾಯ | 16 Year Old Successor To Shiroor Math | Vijay Karnataka канала Vijay Karnataka | ವಿಜಯ ಕರ್ನಾಟಕ