Әке-шешем менің қолымнан түк келмейді деп ойлады

Сәлем , менің атым Ален. Менің әке-шешем өте дәулетті және өөөөте танымал адамдар. Әкем елге сыйлы жүргізуші әрі шоумен, анам болса белгілі блогер, коуч . Мүмкін сіздер оларды танитын да шығарсыздар, интернеттен көрген боларсыздар. Әке-шешемнің бос уақыттары жоқ, жұмыс күндері өте тығыз, тіпті алдағы жарты жылға жоспар құрып қояды. Кейде , осындай жұмыс кестесі бола тұра қалайша мен дүниеге келгенмін, деп ойлап қоямын. Әлде мен «өз бетінше ерінді қалай үлкейтуге болады немесе бір ай көлемінде миллиардерге тұрмысқа шығу жолдары» , «Банк тонамай-ақ қымбат көлікке ақша жинау әдістері» сияқты тренинг жүріп жатқан кезде туылған шығармын . Иә, олар өте жұмысбасты жандар, бірақ ақша жетеді, қаржыдан тапшылық көрген емеспіз. Сол себепті де мені кішкентайымнан күтуші әйел бағып-қақты. Ол өте мейірімді және жұмсақ әйел болатын. Ешқашан дауыс көтеріп ұрысқан емес , маған қарсы келмейтін, айтқанымды орындап жан-жақты дамуыма барынша үлес қосты. Маған бас қатырғыш ойындар, детектив ұнайтын және есейе келе роботтарға қызығушылығым арта түсті , содан кейін бағдарлама жасау мен робототехникаға әуестендім. Ата-анам бұл жайынан мүлдем бейхабар еді. Көңіл бөлуге уақыттары болмайтын. Бірақ, олар мен де өздері сияқты жұлдыз болады дегенге кәміл сенетін. Әрине, елге танымал адамдардың баласы да танымал болуы заңды ғой.
Алайда, мені елге шығарып, өздерінің айналасындағы кілең мықтылармен таныстырған кезде үміттері су сепкендей басылған сияқты. Бір күні танымал жұлдыздардың басы қосылған бір кеште кәсіпкерлік пен жастардың болашағы туралы сөз болды. Сол арада анам мені көпшілікке таныстырғысы келсе керек, маған күтпеген жерден сөз беріп,осы тақырып бойынша ойыммен бөлісуді өтінді. Көзілдірік таққан, роботтар мен бағдарламалаудан басқа түк білмейтін, ештеңеге қызықпайтын баласын қайдағы бір жастардың болашағы туралы айтады деген ой қайдан келгенін білмеймін. Үш ұйқтасам түсіме кірмейтін нәрсе ғой. Түк ұқпаймын. Әйтеуір бірдеңелерді міңгірлеп тұрмын. Елдің бәрі маған қарап қалған. Ата-анамды сыйлағандықтан болар, әйтеуір бастарын изеп бірдеңе түсініп жатқандай кейіп танытады. Масқара! Анам менің былжырап тұрғанымды көріп қатты ұялып кетті. Оны мен құлағынан байқадым. Мұндайда құлағы қызарады. Осымен міне үшінші мәрте солай болды.
...
Лайк басыңыз!
Хабарландыруды қосуды ұмытпаңыз!

Сендер де оқиғаларыңды біздің поштаға takbyvaetvjizni@gmail.com жазып жіберіңдер.
Авторлық құқықтар қорғалған.
Барлық авторлық құқықтар Ligths Creative Group студиясына тиесілі

#мениңқүпиям #aнимация #менің әңгімем

Видео Әке-шешем менің қолымнан түк келмейді деп ойлады канала МЕНІҢ ҚҰПИЯМ