Сүмірейіп жүрген досым менен мықты екен / Достық туралы анимациялық оқиға

Сәлем , менің есімім Әзиз. Білесіңдер ме, мен мектептің ең крутой жігітімін. Рас айтамын, тура солай. Бәрі біледі мені. Мысалы, мен ең мықты футболистпін, сабағымды кілең беске оқимын және менің жүретін қызым ең сымбатты қыз. Жігіттердің бәрі қызығады маған. Осыдан кейін менен керемет жігіт бар деп кім айта алады?
Мектептегі беделім өте жоғары. Соның арқасында көптеген мәселелерді оңай шешемін. Тіпті, мұғалімдер де менен ақыл сұрап жатады, кейде. Былайша айтқанда мен оқушылар мен ұстаздар арасында жүрген дәнекер сияқтымын. Оған қоса жақында ғана мені мектептің президенті етіп сайлады.
Керемет емес пе?! Бір сөзбен айтқанда мектептегі өмірім маған ұнайды. Бірақ бір күні қасықтап жинаған абыройымды шелектеп төге жаздадым. Оған себеп болған бір келеңсіз оқиға болды. Тыңдасаңдар айтып берейін.
Оқиға жаңа жыл қарсаңында болды. Мектепте қысқы емтихан жүріп жатқан. Иә, біздің мектепте осылай оқу жылының ортасында емтихан тапсырамыз. Бір күні біздің сыныпқа келген жаңа оқушыға тиісіп жатқан бір топ балаларды көріп қалдым. Оның аты Мұрат. Тұрмысы төмен отбасыдан болса керек. Жұпыны киініп, үндемей жүретін. Онымен көп сөйлескен емеспін.
Бірақ, Мұратқа бәрі тиісіп, ақшасын тартып алып, оған үстемдік көрсететіндер көп еді. Бұл жолы мен оған қорғаныш болайын деп, араласқан едім. Бұзақылардың атаманы боп жүрген Рүстем қолын сермей бергенде жүгіріп келіп қолынан шап беріп ұстап алдым. Мені итеріп жіберді де ,,араласпа» деді.
«Мұратқа тиіспе, ол саған қандай жамандық жасады» деп айғайладым. Менің сөздеріме Рүстем қарқылдап үле бастады. «Сен не осы ақымақты қорғамақпысың, басың істей ме?» деп одан бетер жеки түсті. Мен болсам бұл мәселеге нүкте қояйын деген оймен, «Иә, ол менің жан досым» дедім.
Бір кезде Рүстем бар даусымен «Уа, халайық, қараңдаршы мектебіміздің бетке ұстар жігіті мына бір әпендімен дос екен» деп жар салды. Ойпырмай,а екеуі ажырамас дос екен, деп қарқылдап күле бастады.
Мен оның сөздеріне мән бермеуге тырыстым. Оның достары да мазақ етіп күліп жатты. Сондай жаман сезіндім өзімді.
Жаныма Мұрат келді де, алғысын білдірді. «Енді екеумізді мазақ қылатын болды» деді Мұрат, мұңайып. «Неге? Мен сені қорғайын дегенмін. Мені не үшін мазақ етеді?» .
-Біз екеумізді расымен де жақын достар деп ойлайды. Бәрі бітті, сенің абыройың айрандай төгілді» деп Мұрат басы салбырап кетіп қалды.
Сенер емеспін. Содан кейін емтихандар аяқталып демалыс басталып кетті. Қаңтар айының ортасына дейін сабақ болған жоқ. 17 қаңтар күні сабақ басталды. Мен , ойымда ештеңе жоқ жиналып, мектепке бару үшін автобусқа қарай жүгірдім. Сол күннен бастап бәрінің көзқарасы өзгергенін байқадым.

Демалыс кезінде менің Мұратпен достығым туралы әңгіме бәрінің құлағына жеткен екен. Автобусқа мінгенде жүретін қызымның жанына отыруға ыңғайланып едім, бірақ ол маған «Мұраттың досының қасына отырмаймын» деп тұрып кетті.
Түсінсем бұйырмасын. Бұлардың бәріне не болған. Сонда мен дос болғаным үшін кінәлімін бе? Оған бола басымды қатырмайын дедім де, сабағымды жалғастырдым. Бірақ, маған тыныштық берер емес. Үнемі, мазақ қылып , мені кемсіте беретін дерге тап бола бердім. Асханаға барсам да, әжетханаға кірсем де маза бермейтін болды. Барлық жерге Мұрат екеуміз туралы жазып тастапты. Шыдамның да шегі бар демекші, қашанғы шыдайын .
Бірақ, ешқандай шара қолданған жоқпын. Менің басыма түскен жағдайды тарих сабағының мұғалімі одан бетер ушықтыра түсті. Мұрат екеумізге ежелгі Рим тарихы туралы баяндама жасауды тапсырды.
Бір апта бойы біз Мұратпен жұмыс жасадық. Кітапханаға барып мәлімет іздедік. Бірақ ол жерде де бізге тыным бермеді. Мектептің кітапханасынан қашып қалалыққа бардық, бірақ ол жерде де екеумізге тиісетіндер табылды. Менің ызам келе бастады.

Бір күні біз Мұрат екеуміз мектеп алдында ас ішіп тұрғанбыз. Жанымызға Рүстем жетіп келді, қасында нөкерлері бар. Бізді ортаға алып, «қараңдар мына екеуі бірге тамақтанады екен, енді бірге тұру ғана қалды» деп барынша айғай салды. Жанымызда тұрғандардың бәрі соның сөзін қайталап мазақ қылды.
Қанша сабыр сақтауға тырыссам да болмады, әбден ызаланып өз-өзімді ұстай алмай қалдым. Бір кезде бар күшіммен Рүстемді салып қалдым. Мұндайды күтпеген, ол есеңгіреп қалды. Осы уақытқа дейін оған ешкім қарсы шықпаған еді.

Лайк басыңыз!
Хабарландыруды қосуды ұмытпаңыз!

Сендер де оқиғаларыңды біздің поштаға takbyvaetvjizni@gmail.com жазып жіберіңдер.
Авторлық құқықтар қорғалған.
Барлық авторлық құқықтар Ligths Creative Group студиясына тиесілі

#мениңқүпиям #aнимация #менің әңгімем

Видео Сүмірейіп жүрген досым менен мықты екен / Достық туралы анимациялық оқиға канала МЕНІҢ ҚҰПИЯМ