МОЛИ ДУНЁ -УМЕДИ РАҲМАТ 2020

Моли дунё чашми аҳли бехирадро кӯр кард,
Раҳму шафқат аз миёни ҷамъи ёрон дур кард.
Қалби поки нурбори банда бошад ҷои дӯст
Қалбҳоро дар масири шар басо пурзӯр кард.
Оби ширину гуворо дошт ин дарёи даҳр,
Таъми ширини варо дар коми ёрон шӯр кард.
Ай басо дорандаро бо кибру мастиву ғурур,
Бо навозишҳои худ дунё ба зери гӯр кард.
Ашки чашми хеш мерехт одами баҳри Худо,
Дидаҳоро карда хушку чеҳраҳо бенур кард.
Тавба кун эй дӯст, ҳоло ҳаст ҷонат дар бадан,
Бишканад занҷири ғафлат гар Худо дастур кард.
Ру ба даргоҳи Худо овар Ғанизода ба сабр,
Гар туро ин зиндагонӣ хаставу ранҷур кард.

Видео МОЛИ ДУНЁ -УМЕДИ РАҲМАТ 2020 канала УМЕДИ РАХМАТ