УМРИ МО МЕГУЗАРАД -УМЕДИ РАХМАТ 2020

УМРИ МО МЕГУЗАРАД
Умри мо мегузарад, лек зи он бехабарем,
То абад зинда набошем, чу як раҳгузарем.
Ҳайфи он дидаи бино, ки набинад ҳақро,
Андар ин кулбаи торик даме ҷилвагарем.
Ба мисоли ману ту буд дар ин даҳр басе,
Мо ҳама халқ, чу он қофилаҳо даргузарем.
Эй ки бо ханда туро умр ба ғафлат бигузашт,
Ин чи чашмест, ки дорем вале бебасарем.
Мо ҳама дил ба ҳаросем зи он рӯзи гарон,
Ки зи дасти гунаҳи хеш замин менигарем.
Гар зи шеъри ману ту нест ба мардум суде,
Пас аз ин шеъру аз ин назм ҳама беасарем.
Аз Ғанизода шунав панд, ки мегуфт чунин:
Гар амал нест, дар ин ҷода ҳама, бесамарем.

Аз эҷодиёти: Ғанизода Муҳаммади Кангуртӣ

Видео УМРИ МО МЕГУЗАРАД -УМЕДИ РАХМАТ 2020 канала УМЕДИ РАХМАТ