Rusiya sülhməramlıları cinayətkar Araiki niyə qucaqlayır? - sabiq nazir Tofiq Zülfüqarovla "Canlı"

Azərbaycan davası davam edir, Qarabağ hər gün daha çox bizim olur! Düşmən məyus, biz iddialı! Zəngəzur, Göyçə, İrəvan ...iddiası indi çox realdır.
Rusiya prezidenti Vladimir Putin Qarabağda olan rus sülhməramlılarının sayının artırılmasını mümkün hesab edir. Sözsüz ki, tərəflərin razılığı ilə. Bu artım nəyə hesablanır və hansı zərurətdən doğur? Təxminən 3 min kvadrat kilometr ərazini əhatə edən və sülhməramlıların nəzarətində olan ərazilərə hansısa üsullar tətbiq edilməlidir ki, yeni təmas xətti anlayışı olmasın. Bu təkliflər nələrdən ibarətdir?
Ermənistandan minaların xəritəsini tələb etməliyik - mülkü vətəndaşlarımız boşunahəlak olmasın! Qarabağda mina qurbanlarının sayı belə görünür ki, zamanla artacaq. Dünən daha 4 mülkü vətəndaşımızı itirdik. Nə qədər getməyin desək də, yerli sakinlər öz rayonlarına gedirlər. 27-28 illik həsrət onları doğma rayonlarına aparır, lakin orada da minaya düşüb, həlak olurlar. Bunun qarşısını almağın bir yolu var! Hərbi ekspert Şair Ramaldanov deyib ki, Ermənistan bizə mina xəritələrini verərsə, ərazilərimizin minalardan təmizlənməsi qat-qat sürətli gedə bilər. Azərbaycan tərəfi belə bir müraciət edə bilərmi, belə bir tələbdə bulunmağa beynəlxalq hüquqa, müharibə qaydalarına görə əsasımız varmı? Bir yolu da Rusiya vasitəsilə bunu etməkdir. Rusiya bu xəritəni hətta İrəvandan tələb etməlidi və edə bilər. Çünki artıq bir rus hərbçisi də minaya düşərək ölüb - Şuşa ətrafında. Üstəlik, İrəvan Moskvanın sözündən çıxmağa cürət eləməz.

Müşahidələr göstərir ki, 44 günlük savaşdakı möhtəşəm qələbəmiz və bu qələbədə qardaş Türkiyənin oynadığı əvəzsiz rolu Fransa başqa olmaqla, bəzi Avropa ölkələri "həzm edə" bilmir. Odur ki, Türkiyəni hədəf alanda, qərarlar qəbul edəndə Azərbaycanı da ona qatırlar. Ankara və Bakıya qarşı az qala oxşar ittihamlar səslənir. Fransa, Belçika, Hollandiya parlamentlərinin qərəzli sənədləri bunun bariz təsdiqdir. Bu tendensiya nə dərəcədə davamlı ola bilər? Bu sırf erməni lobbisinin işi ola bilməz. Belçikada, Hollandiyada erməni azdır. Sözsüz ki, Türkiyə həmişə yanımızda olduğu kimi, biz də daim qardaş ölkənin yanındayıq və olacağıq. Yeni situasiya Azərbaycanın sadalanan dövlətlərlə münasibətlinin perspektivi necə görünür? Siyasət uzmanları nə təklif edir?

Və ən nəhayət sakinlərin Şuşaya köçürüləcəyi tarix açıqlandı. İlk olaraq, nə qədər soydaşımız Şuşaya köçmək istəyəcək? Siyahıda kimlər olacaq? Qala şəhərdə yaşamaq kimlərin qismətinə düşəcək?
Bu və digər sualları eks xarici işlər naziri Tofiq Zülfüqarovla müzakirə edirik

Видео Rusiya sülhməramlıları cinayətkar Araiki niyə qucaqlayır? - sabiq nazir Tofiq Zülfüqarovla "Canlı" канала TV Musavat