Зейнетке шығуына екі жыл қалған жұмыссыз қалған азаматтар жұмыспен қамтылатын болады

Елімізде зейнеткерлікке шығуына екі жыл қалған жұмыссыз азаматтар жұмыспен қамтылатын болады. Бұл үшін Қазақстанда "Күміс жас" жобасы іске асырылмақ. Елде 55 пен 64 жас аралығындағы бір миллионға жуық адам еңбекке қабілетті деп саналады. Соның 18 пайызы тіркеусіз қызмет атқарып келсе, 55 мыңға жуық азамат әлі күнге жұмыссыз. Аталмыш жобаның қандай ұтымды тұстары бар? Әріптесім Ақбота Базарбай жалғастырады.
Елімізде зейнеткерлікке шығуына екі жыл қалған жұмыссыз азаматтар жұмыспен қамтылатын болады. Бұл үшін Қазақстанда "Күміс жас" жобасы іске асырылмақ. Елде 55 пен 64 жас аралығындағы бір миллионға жуық адам еңбекке қабілетті деп саналады. Соның 18 пайызы тіркеусіз қызмет атқарып келсе, 55 мыңға жуық азамат әлі күнге жұмыссыз. Аталмыш жобаның қандай ұтымды тұстары бар? Әріптесім Ақбота Базарбай жалғастырады.
Әдетте қандай да бір себептермен жұмысынан айырылған аға буын өкілдеріне еңбекке қайта орналасу өте қиын. Жаңа жоба осындай екі қолға бір күрек таппай жүрген азаматтарға зейнетке шыққанға дейін тұрақты жұмыс орнын табуға көмектеспек.
55 жастағы елорда тұрғыны Роза Алдабекованың айтуынша, елуден кейін жақсы жұмыс табу мүмкін емес. Аталмыш жоба қатарластарыма жақсы мүмкіндік болар еді дейді.
РОЗА АЛДАБЕКОВА, тұрғын:
– Жұмыс таппай жүрген кісілер көп. Ауылда да, осы қаланың ішінде де. Мен өзім көп естідім үлкен жастағы кісілерді жұмысқа алу қиын деп. Өте жақсы болушы еді.
"Күміс жас" деп аталған бастама жыл сайын 5 мың адамды жұмыспен қамтуды жоспарлап отыр. Бағдарлама 2025 жылға дейін жалғасады. Қатысу мерзімі - 12 ай. 12 ай бойы қызметкерлердің жалақысының жартысы мемлекет бюджетінен төленеді. Мерзім аяқталғаннан кейін жұмыс беруші зейнеткерлік жас алдындағы адамды зейнетке шыққанға дейін тұрақты жұмыспен қамтамасыз ету керек.
РУСЛАН ТІЛЕУБАЕВ, Халықты жұмыспен қамту департаментінің басшысы:
– Жұмысқа орналаспай жүрген азаматтардың еңбекақысының көлемінің 50 пайызы мөлшерінде алғашқы 12 ай бойы мемлекеттің бюджеттік есебінен субсидияланады. Мерзімі біткеннен кейін, жұмыс беруші осы азаматты өзінің кәсіпорнына, мекемесіне тұрақты жұмысқа алуға міндетті.
Жоба ережелері жақын күндері қабылданып, іске қосылады. Жұмыс іздеуші «Күміс жас» жобасы бойынша жұмыспен қамту орталықтарына немесе Еnbek электрондық еңбек биржасына жүгініп, жұмыссыздар қатарына тіркелу керек.
Ақбота Базарбай, Нұркен Тоқмурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#зейнет_жасы #жұмыссыздық

Видео Зейнетке шығуына екі жыл қалған жұмыссыз қалған азаматтар жұмыспен қамтылатын болады канала Информбюро 31