WALANG IWANAN HANGGANG SA KABILANG BUHAY "ALBERT SUNGA"

#WALANGIWANAN_ALBERT🙏🙏🙏
#HANGGANG_SA_KABILANG_BUHAY_❤️❤️❤️
#MAHALMOAKOALAMKOYUN_AT
#MAHALKITAALAMKONGALAMOYUN❤️❤️❤️
#MARAMINGSALAMATSALAHATLAHAT
#NoraAunor #AlbertSunga #Noranians
Ako po ay labis na nakikiramay sa mga naulila ni Albert Sunga. Sobra po akong nabigla at hindi makapaniwala sa paglisan ng itinuturing ko nang pamilya. Isa siya sa mga tagahanga ko na nakitaan ko ng malasakit at pagmamahal sa akin at sa aking pamilya. Si Albert ay hindi lamang siya isang fan kundi naging katuwang ko rin po sa pag-aayos ng aking schedule sa mga proyekto kong ginagawa at pinagkatiwalaan sa maraming bagay. Naging malapit din siya sa aking mga anak.

Dahil mabait ay naging espesyal ang trato ko sa kanya. Sa katunayan po ay siya ang unang tagahanga ko na isinama ko nitong mga huling concert ko sa New York. Sa pamamagitan nito, nakilala niya ang mga producer ko abroad at naging mga kaibigan niya. Ako po ay natuwa dahil naging daan po ito upang makapagdala ng mga singer at mga artista sa aking mga naging producer.

Nang bumalik ako dito sa Pilipinas noong 2011 para kunin at ikontrata ako ng TV 5 ay nangunguna si Albert sa mga fans na sumalubong sa akin.
Alam ko kung gaano niya ako kamahal at ramdam ko iyun.

Kinuha ko siyang staff muli at iyun ang huli po naming pagsasama. Halos tumagal din po ng ilang taon iyun at pagkatapos noon ay hindi na kami nagkasama. Mayroon mang hindi pagkakaunawaan ay hinding-hindi ko siya makakalimutan dahil marami siyang naitulong sa akin.

Hindi ko rin makakalimutan ang mga mahigpit mong mga yakap, mga tingin, paalala, mga sigaw mong nagingibabaw, mga ngiti at tawa pag natutuwa ka, mga pag uusap natin na tayong dalawa lang. Kapag may mga event ang Noranians kung saan ay kasama kang nagpe-perform (kumakanta at sumasayaw) ay napakasaya mo. Masayang- masaya ka rin kapag may pelikula akong kasali sa MMFF lalo na kapag sumasama ako sa parada.

Rest in Peace Albert. Mahal na Mahal Kita. Maraming Salamat sa lahat, sa iyong pagtatanggol sa akin at hinding-hindi mo ako iniwan sa aking mga laban. Mami-miss kita ng sobra. Palagi kang nasa puso ko. Salamat sa walang hanggang pagmamahal.

Видео WALANG IWANAN HANGGANG SA KABILANG BUHAY "ALBERT SUNGA" канала Nora Aunor Official